فضفضه عزباء وخواتها..لاتنسوهم من الدعاء/ يمنع فتح موضوع بأكثر من قسم

السلام عليكم ورحمة الله وبركاتهأخواتي أرجو منكن الدعاء لي ولأخواتي بالزواج والله يااخواتي اننا بحال لايعلمه إلا الله وحدهنحن خمس بنات والدي يرفض زواجنا نهائيا أقاربنا جميعهم تزوجوا ماشاء الله الله يوفقهم ويهنيهم انا أكبر خواتي والله يابنات الحسرة تآكل قلبي أتمنى اكون زوجه وام يكون لي بيت خاص بيثقتي بنفسي صارت مهزوزة صرت اشوف كل شي بنظرة سوداء الحياة مالها طعم الحمد لله محافظه على صلاتي وملتزمة بحجابي وحافظة للقرآن الكريم ماشاء اللهابي اطلع من هالسجن ببيتنا تعبت منه عمري رااااااح وابوي مو حاس فينا اه يابنات وش اقول بس في أشياء كثيرة لو بقولها راح انعرف من انالما يجي وقت نومنا انا وخواتي كل وحده نايمه على سريرها وتحكي عن عايلتها كل وحده تخطط لحياتها وزوجها واطفالها نسولف تقول وحده من خواتي اذا تزوجنا ان شاء الله مانبي تصير مشاكل بيننا مثل بعض الاخوات او حساسيات ورسمياتتقول الثانيه ان بمسك عيال فلانة اذا راحت مثلا مستشفى او اي مكانتقول الثالثة بنزوج عيالنا ببعض خصوصا بناتنا عشان مايمرون باللي مرينا فيهتقول الرابعه انا ماراح اقسى على بناتي بكون صديقتهم وقريبة منهموانا اقول لهم راح نجتمع  ان شاء الله دايم عند امي ونفرحها ومعنا عيالنا وكلها تبقى احلاااااام بنات اللي ابيه دعوات صادقة منكم بتيسير زواجي انا وخواتي وربي يفرح قلب اميمتنا  بزواجنا ياعمري يايمه ياكثر شوقها تشوفنا عرايس والله انها ذاقت الضيم عشاننا ومتحمله وصابره دايما تقول يارب يحييني لليوم اللي اشوف فيه عيالكم ادعو لنا يابنات وقولوا لامهاتكم يدعون لنا وحتى صغاركم يارب يجعل لي ولكم من كل ضيق وهم  فرجا ومخرجا والسلام عليكم