فضفضه عن زوجي اللي اتعبني 💔

السلام عليكم جميعاً
كيفكم ؟
والله اني جيت أكتب وأنا واصله معي مره
ماعندي احد افضفض له والله غيركم😭


المهم تعبت من زوجي واهماله وعدم مسؤوليته لي وللبيت
انا متزوجه 5 سنوات ماربي رزقنا باطفال 😢دعواتكم 💔
زوجي حالته الماديه صايره سيئه جداً وماعلمني الا من فتره لما تهاوشنا وكبرت الهوشه انه له سنتين وماديته سيئه وبنفس هالمده طاح في ببجي 24 ساعه صار مايطلع ولايروح ولاشي يقول انا ليش العبها كثير ؟ مابي افكر تعبت من التفكير تعبت
طبعاً ويكند اروح لاهلي بس ويخليني انام يقول ماقدر اوديك واجيبك بنفس اليوم لان بيت اهلي بعيد عني شوي وزحمه الرياض تزيد البعد
المهم انا دقيييقه جدا ًوكنت كل شوي اتهاوش معاه لاتأخر علي ولاشي وازعل ووالخ
لما هالفتره وصلت حدي صرت اطننننش مازعل على اي شي واسلك له تاخر علي اقول بسلامته انا ببيت اهلي وهكذا يعني صرت اشتري راحة بالي
طبعا هالفتره يسهر الى الصبح على ببجي ويسحب عرالدوام وكم مره قلت له ترا محد نافعك ! صحتك وعائلتك اهم! ماشفت فايده صرت اطنشه طبعا عمره 35 مب صغير بس خلاص تعبت معاه مره تعبت من كثر مااكلمه واعلمه وكل شي ماشوف فايده صرت اطنش
حتى مقاضي البيت يقصر فيها وساكته مقدره ظروفه لعلها تزين بإذن ربي
عارفه راتبه مره ضعيف بس قاهرني عايش ع الراتب طيب حاول تسوي اي شي يقول ماعندي فلوس
صرت اسكت بالمره خلااص تعبت
السفر ماقد سافرت معاه 💔طلعه معاه من زواجي يمكن مرتين او ثلاث
تمر سنه وسنتين ماطلعت معاه فقط اركب سيارته اذا عندي زياره لاهلي او اهله او اي عزيمه
تعبت اتكلم معاه يقول مو لازم نطلع دامنا بالبيت مبسوطين مايحتاج يعني اكلمه مو اسكت ! بس ماشوف فايده
هالفتره صايره اطنش مرره عشاني انا تعببت وربي تععععبت
حتى نومتي اللي عند اهلي اللي كنت بكل مره اتهاوش معاه عشانها صرت اتعايش معها وانبسط مع امي طبعا عندي غرفتي خاصه فيني
ولايفكر يسأل عني عند اهلي ولامكالمه ولارساله ولا اي شي كنت انا اتطمن عليه بس صرت اطنشه خلاص
علموني افيدوني والله مالي الا الله ثم انتم اشكي لكم 😭