فضفضه لا اكثر

السلام عليكم ورحمة الله وبركاته


خاطري اسولف افضفض شوي
باكثر فضفضتي الي ماتخلص 😪 اللي يعرفون مواضيعي مع زوجي بيفهموني
انا مسافره عند اهلي كلمني زوجي اليوم وسأل عني وعن عيالنا وناقصهم شي ويبون شي..
طبعاً انا عند اهلي زياره مابيننا شي عادي المهم..
بعدين قال انا كنت بموت اليوم 😦
انا ايش ايش 😦قال كنت بممموت تعبت واغمى علي لحالي وجاني كذا وكذا ووو وصار كذا ووو المهم عاد
ويسولف وقال بتعشى وانام وشويات يرجع يدق عليك يقول انو راجع البيت تعبان يبغى ينام ويوصيك انتبهى لجوالك اذا دقيت عليك خلي جوالك عام لاتحطين صامت اذا نمتي عشان اذا صار لي شي ادق عليك
يكلمك وواضح فيه التعب
وانا كنت ساكته م تكلمت كثير معه حتى كلمة سلامات بسم الله عليك اي شي م قلت ابداً ابداً
م علقت ع الوضع الي حكاه لي ووش صار معاه ابداً
اخر شي بس قلت له يروح المستشفى وحاولت فيه ورفض
قلت له طيب راح امشي واجيك لان بيننا ساعتين عادي قريبه
ورفض يقولي م كلمتك وعلمتك عشان تسوين كذا
مافيني الا العافيه بس انتي انتبهي لنفسك وللعيال لاتفكرين في اي شي ثاني غيركم انتبهى لنفسك ولاتشيلين بالك ونامي وارتاحي
قلتله والله ماقدر انام وبجلس قلقانه عليك قال انا م قلت لك عشان تقلقين كذا والله اني م كنت بعلمك مره ولا بقولك
المهم عاد بعد م قفلت منه اهه يجيني شعور انو كذاب وقاعد يكلم من وراي ريحوني ولسى مستمر يكلم البنت
اقصد خيانه مكالمات بس
وانقهر منه ولا افكر فيه وشوي انبني ضميري عليه هو جالس يسولف ويحكيلي وش صار مره وكيف تعب لحاله بالبيت وم قدر يتصل باحد ..
واقول ليه قلبي صاير قاسي او بالاصح اتصنع الشي هذا قدامه الا من جوا مقهوره عليه وودي انها فيني ولا فيه
بس مابين له
ياررربي ياذا الشعور فيني عجزت اصدق انو ترك خياناته ومكالماته وترك البنت الي يكلمها كله بسبب الي شفته فيه
من متى وهو يكلمها من متى كيف بيتركها بالسهوله ذي عشاني
دخلت اهلي اكثر من مره وكل مره اتخذ معه طريقه ويقول تبت وخلاص انتهى وبعدها ارجع اكتشف انو كذاب ومستمر
المره ذي عشان تكلمت معه انا م دخلت احد سكت وبلغت موس وانقهرت ببيتي وحصلت اشياء بيننا من مشاكل وسكت وتحملت
واليوم الثاني كلمني وهو بالدوام واصر الا اتكلم معه وتكلمت وانا مقهوره مقهوره وقلت له عن كل الي مضايقني منه والي يسويه فيني كلمته بهدوء وانا اتكلم كان واضح فيني العجز والكسر وان م بيدي شي
قال يا فلاااااااانه ليه ليه كلامك هذا لي بالجوال ليه م تكلميني كذا وانا عندك كلامك هذا صعععقني كلامك وقع فوق قلبي ع طووول كلامك هذا كسر ظهري
ليش م تكلميني كذا من اول وتقولين لي قلت كنت دايم اكلمك واقولك بس م تفهمني ولاتسمعني قال صح كنتي تقوليه كثثثير بس اول مره تقولينه بالشكل هذا والاسلوب هذا انا من زمان اكلمك واوصيك ع الاسلوب
صح كنت اسمعه منك كذا بس كنتي توصلينه لي بالزعل والصياح الحين اول مره تتكلمين بالشكل هذا
من اول م تكلمتي لاخر المكالمه بنفس نبرة الصوت مارتفع صوتك ولانزل
المهم وجاء من دوامه ع طول وجاب جوال لان كان كاسر جوالي اليوم الي قبل وسكت م قلت شي
وعطاني الجوال واعتذر مني كثير وتكلم وقال راح انهي الشي هذا خلاص بعد كلامك هذا والله انتهى كل شي ووو
وانا م راح اتزوج الا برضاك وو بس انتي اتركي التفتيش لاعاد تفتشين وراي وتبحثين خلاااص
المهم وكلام كككككثير وانا صدقته شوي لان زوجي مو من النوع الي يكذب بكلام كذا يعني لما يعتذر يكون فعلاً صادق
ياما مرات اكشفه يخون يعتذر عادي مو بالطريقه ذي وخلاص ابداً ماعاد يتكلم ولايسمعني شي مثل اغلب الرجال الي يضحكون ع حريمهم بالكلام المعسول
لا هو اذا قااااال كلام فهو صادق فيه م يكذب ابداً بكلام الحب وكذا



المهم اني انا حالياً لسى يجيني شعور انو كذاب ويستغفلني مثل كل مره لما يحلف انو م يكلم ولايسوي شي وبالنهايه طلع يكلم وكل خلفه كذب بكذب كان يحلف ويقسم لي ويطلع ويكلم بنفس الوقت ويرجع يحلف انو م كلم ولاسوا شي وهو كان يكلم
كل هذي كشفته كل مره حلف لي انو مو مسوي شي ولا كلم احد كشفته انو كان يكلم
المهم احس ان قلبي مليان حقد عليه وبنفس الوقت احبه ولا ابي انطلق منه فيه اشياء كثير حلوه بس لو يبطل خيانات
تعبت منها مأثره فيني بشكل عجزت اطنش وارتاح كل شي يهون عندي الا ذا الشي 🥺🥺
قبل كم يوم يقول يافلانه انا والله مادري وش فيك علي ☹️


مرات احسه صادق ومرات لا ولا ولا ليه ؟ كله بسبب الي شفته كان يسوي كذا ويقول كذا وبالنهايه اكتشفت انو كلو كذب ويخدعني كان يحلف لي انو م يكلم ولا عنده علاقات
ويقولي كلها وساوس من الشيطان وتعوذي منه اتركي الشك ووو
ومرات يعصب وينفجر ويزعل ويهدد يسوي ويسوي اذا تكلمت وقلت انو يخوني
احس اني صرت فيه دوامه مادري اصدق ايش ولا ايش
الله يسامحه بس
حتى اذا كان كويس معاي وينفذ طلباتي ويعاملني كويس اقول بس هذا وراه شي هذا مسوي شي
اخخخ يااااارب ماراح يحس فيني الا اللي مجرب وعايش وضعي
الشعووور هذا متعب الدوامه هذي متعبه بشكل
لكن الله يصلح الحال ويهدي النفوس...
والحمدلله ع كل حال