فضفضه للي تزوجت وعمرها تحت العشرين ..

بنات شرايكم بالزواج بهالسن؟

انا تزوجت اول ماخلصت 18 سنه كنت بثاني جامعه
والحمدلله مبسوطه واهلي ابدا مو مقصرين علي بشي
يشهد الله ان اشوف فلانه وعلانه ولا عمري فكرت
فلانه حياتها شلونها ،، ولا عطيت نفسي مجال
احس بغيري مبسوطين ولا مهموميين ،،
وان شفت احد مهموم احس همه نفس همي شي بسيط
وافرفش لين ينسى الهم .... مادريت أن الهم محد ينساه
بس يتناسونه ،،

تزوجت ومبسوطه بحياتي
مر اول شهر وتاخر زوجي كلمته قلت وينك قال انا جاي
دز لي مسج لا تخليني احاتي نامي ، قلت كثر الله خيرك اذا بتحاتي، مارد علي و ماجاني الا 8
بكيت عنده وهو بكى لاني كنت اتجاهله ويقول المسج حقي جرحه حييييل
وبرر لي كان واحد يبيه واسطه بالجمارك وتأخر عشان يساعده


بقمممممممممممممممة برائتي صدقته
اااخ يابنات والله ما اتمنى غير ان هالبراءة ترجع لي
واحسن الظن من جديد فيه .. أو بالأصح ارجع اثق فيه من جديد

اقوم الصبح كلي نشاط انظف الشقه وازينها وارتبها
وبيوم كنت انظف الصبح ووشفت باكيت دخان
قعدت ارجه ابي اعرف فاضي ولا لا .. وسمعت صوت غريب
فتحته لقيت حبوب ... والله للحين كأني اشوف هالموقف قدامي
مسكت الحبوب وداخ راسي انهرت قعدت ابكي مسكت الجدار
( مادريت ان هذا اهون من الباقي ) ..
بحثت بالنت عجزت وانا اوصف هالحبوب بالنت ومالقيت بالصور زيها
بالاخير كتبت ( لقيت حبوب عند زوجي ؛ بقوقل ) ولقيت موضوع لوحده كانها تتكلم عني
طلعت هذي كبتي ( الكبتاجون) بحثت عنها اكثر
طلع ماتسبب ادمان كثير بس تخلي الواحد صاحي يومين وينام يومين

خذيت وحده لفيتها بكلينكس وخشيتها بشنطتي ،، والباقي حذفتهم
رجع من الدوام انهبل وين الدخان قلت فاضي وقطيته قال لا تمسكين دخاني ابددددد
انا اقطهم اذا خلصو قلت طيب .. رحت لاهلي وريت اختي الحبوب
قلت وش ذي قالت ما ادري ، واختي حكيمه واثق برايها
قلت هذي اسمها كبتاجون ماتعرفينها؟ قالت الا بس هذي يستخدمونها راعين الشواحن الي يسووقون والطلاب بالامتحانات ،، قلت شسوي؟
قالت بالطقاق الي يطقه ،، خليه يسوي الي يبي بنفسه
اهم شي ما يضرك ... وترا كل الشباب كذا مافيهم الصاحي
الا ما ندر.. سمعت كلامها وسكتت

مر الشهر الثاني وحملت ،، ومرت الشهور
لين وصلت الشهر السادس .. وكنا نايمين
ودق جوال زوجي ساعه 2 بالليل وهو نايم ما حس
جوال زوجي دايم مقطوط وعام ولا يمسكه الا فيما ندر
بس غصب اشك فيه لان الوقت متاخر س2 من الي بيدق
ونمت ولما قعدت الصبح شفت وحده بالواتسب تقول اسمه وتدلعه وكاتبه احبك

ماقلت شي ( على اساس اني حليمه وصابره ) مرت الايام وزوجي جواله دايم مقطوظ
مايهتم فيه ابد ودايم عام..وبيوم أكئب من الي قبله .. قلت شوفي الجوال بس من برا
يعني بدون لا افتحه الا وحده كاتبه ( صدق كلمتك ؟ انا ماني مصدقه احس اني بحلم
صدق كلمتك ؟ ) واروح لزوجي انصدم اني شايفه جواله
وهو شاعر بس مو مششششهور حيل لكن يعتبر مشهور عندنا .. ويحلف انه ماكلمها
قلت هي كاتبه انك كلمتها قال ماكلمتها ويشهد الله اني قاطع علاقتي فيها قبل الزواج
قلت ليش بالاساس تعرفها قال هي نشبه جابت ارقامي ونشبت لي ،،
وهذي مريضه تتوهم تتحلم ومافي غيرك ووقعد يبكي عندي وماصدقته لاني مستحيل اكذب عني

مرت الايام وقمت الصبح ولقيت جواله ع السرير ضغطت ع الزر بشوف الساعه لقيتها كاتبه
يافلان ماهمني انك ترد عليي او لا انا بس بكتب لك هنا عشان افضفض
انا علومي معك طيبه لاخر .... ~> مابين الكلام وماكان عندي الجراءه افتح الجوال
هنا تطمنت انه مطنشها استانست وطرت من الفرحه .. واخيرا وثقت بزوجي
وياليييييييييييتني ماوثقت فيه من جديد عشان ما انكسسر ..

لي هنا كافي الفضفضه ولا اكملكم معاناتي معاه :(