السلام عليكم
اخباركم بنات والله من زمان افكر اكتب بس اشووف من تكتب وحده يقومون بعضهم يتكلمون كلام يزيد الطين بله
المهم ماعلينا حبيت افضفض بكم كلمه واللي بتنصحني راح اتقبل :)
مررررره اتعقد من خواتي لي اختين اكبر مني متزوجات انا عمري 21 لكن والله مايعاملني كذا احس اني منبوذه بينهم اعطيكم مواقفهم وانتم تحكمون
اول كنت احس ان امي تتغير علي لمن يجون خواتي بس بعدين ابعد هالتفكير وانسسي نفسي بس الحين تأكدت
بالعطله الصغيره جو عندنا وامي تدرس حلقة قران المهم كانو جالسين يسولفون واجي واجلس معهم واكلمهم ومندمجين مع بعض كل مابتكلم يقولن لي سوالف متزوجات عاد اسكت واروح اجيب جوالي واجلس اطقطق عليه وجت امي وانا ع الجووال وعصبت قالت لي ليش تجلسين ع الجوال واختك جايه ومدري ايش المهم قلت لها اني اكلمهم ومطنشيني ووو قالت اختي الكبيره لامي خذي جوالها عشان تتعدل قامت امي قالت عطيني جوالك قلت لها يمممه تكفييين خلاص اخر مره قالت ماتكسرين كلامي اشوف اختي من وراي تأشر لها ان ماترد لي جوالي طبعا زعلت من هالحركه رحت لغرفتي قلت عادي الا يوم جاء ابوي سأل عني تقول له اني زعلانه لان امي اخذت جوالي واني مااشتغل وانه بس عليه وووو
ابوي سكت قالت له خذ الجوال عندك عاد ابوي عصبي مررره واخذ الجوال وليومكم ماشفته :( انا قسسم مو مقهوره عشان الجوال لا طيب عاملوني عدل
من غير كذا عندنا ممنوع اروح السوق اعطي اختي فلوس اقولها تشتري لي تأخذهم لما تجي ترد فلوسيي تقول مالقيت والوقت مامداني ومدري ايش وتجلس تفرجني لبسها وانا اقولها يجنن وحلو وانا بداخلي مقهوره على الاقل شرتلي لو شي بسيط وحتى للبيت مو مهم ابغى لبس للجامعه
بيني وبينكم مااحب امي اذا هم صارو بالبيت قسم بالله من يجون اتكدر وكل المشاكل تصير بالبيت
وكثير ينقصون من قدري انتي مو قد المسؤليه انتي وانتي
وغير كذا مخطوبه وقايلين له اني موافقه وقسم مادريت الا من اختي اللي اصغر مني بعده بيوم كلمتني خالتي
وتجلس تمدح فيه لي
وربي مدري احس اني بكابوسس
وبسسس اعتذر ع الاطاله :)

ترانيم الخير @tranym_alkhyr
عضوة جديدة
يلزم عليك تسجيل الدخول أولًا لكتابة تعليق.

حضيه
•
الله يفرج همك




طيب الخطيب انتي راضيه فيه واستخرتي ؟
اذا ايه خلاص الحمدلله باذن الله تتعدل امورك للافضل
لاتكرهي امك صحيح تصرفها ماله داعي لكن هي في بالها ماتبغى تنكد عليك هي تقصد توجهك وتربيك اعذريها واصبري عليها لو تعرفين ايش في قلبها من حب لك ماقلتي كذا تتوقعي لو صار عليك شي والعياذ بالله كيف بيكون حالها يمكن هي حزينه انك قريب بتتزوجي وتفارقيها بس ماتحب تظهر هذا الشي
الله يهديهم ويفرج كربك
اذا ايه خلاص الحمدلله باذن الله تتعدل امورك للافضل
لاتكرهي امك صحيح تصرفها ماله داعي لكن هي في بالها ماتبغى تنكد عليك هي تقصد توجهك وتربيك اعذريها واصبري عليها لو تعرفين ايش في قلبها من حب لك ماقلتي كذا تتوقعي لو صار عليك شي والعياذ بالله كيف بيكون حالها يمكن هي حزينه انك قريب بتتزوجي وتفارقيها بس ماتحب تظهر هذا الشي
الله يهديهم ويفرج كربك
الصفحة الأخيرة