فضفضه مالي الا الله ثم انتم افضفض لكم

السلام عليكم
اهلا خواتي كيفكم
مبارك عليكم الشهر ..
كلامي مدري وش يكون بس غالباً محتاجه افضفض محتاجه كلام يواسيني لأني ماعندي احد أشكي له أو افضفض له ..
انا متزوجه لي 4 سنوات ماعندي اطفال والله يرزقني يارب ☹️
بيتي مب قريب عند اهلي وتعرفون زحمه الرياض تبعد القريب فمابالكم لاصار بعيد
ماروح لأهلي الا ويكند بسبب دوام زوجي والبعد شوي ..
واذا رحت ويكند يخليني انام مايمرني ! اقوله يتغير مكان نومتي اتعب وياما تهاوشت وياه وتناقشت وكل شي ولايصير شي !
ابي ازورهم وارجع انام ببيتي وبسريري 😔 تعبت بكل مره اقش اغراضي !
صح عندي غرفه خاصه حقتي ببيت اهلي بس اللبس احيانا يصير ببيتي واغراضي ومكياجي ..
يابنات انا تعبت والله من هالشي تعبت جداً
قال لي قبل انتي طنشي فتره واصير انا من نفسي ابي اجي اخذك !
وقبل يومين الخميس وانا رايحه لاهلي اتناقش وياه قال شنسوي انا مايعجبني الوضع بس احيانا الظروف تحكم عليك بكذا عارفه المسافه وارجع مايمديني .. حسيت في تناقض بكلامه 💔
بنات انا احس عاجبه الوضع لان من يخليني مايسأل مايتصل ولاشي وينادي اصدقاه عنده في البيت يسهرون وينبسطون
انا احس انه هو مبسوط من هالوضع ويبي يستمر وانا ابدا مب عاجبني اهلي وابيهم واحبهم بس سالفه عدم الاستقرار ذي متعبتني جداً ☹️💔
كنت اول اتصل واراسله واتطمن واقوله اشتقت لك وماقدرت انام من دونك ماشفت فيه تجاوب واحيانا مايرد واحيانا اطلب له من مطعم وكذا
حالياً صرت اطنش ماراسله والا اتصل الا اذا ابي شي او بطلع اقوله ..
هو مبسوط كذا بس انا تعبت
لانمت عند اهلي تفكيري كله فيه وتخرب نفسيتي واحس انه مايبيني او يبي الفكه
انا جدا مهتمه بنفسي وببيتي واول كنت انشب له واتشره طلعني ودني محتاجه اغير جو بس الحين لا اذا هو بيسولف سولفت والا ماقول شي ولاهيه بنفسي ..
وهو وسط الاسبوع يرجع متأخر من دوامه ولاهي بجواله ولعب مب لمي ابداً ابداً ..
مادري وش اسوي معاه دامه شخص بالويكند يبي يعيش حياته وجوه بدوني ويتخلى عن جميع مسؤولياته ولافكر انه الحين هو مسؤول ومرتبط بزوجه مسؤول عنهت مو زي اول عزابي ومو مسؤول من احد ..