فضفضه من القلب 😰

السلام عليكم بنات انا بس تعبانه وحاابه افضفض واريح نفسي من الهم الاكاتم ع نفسي انتواعارفين اني لي 18 سنه ومالله رزقني عيال من زوجي وطبعا هو السبب وانا صبرت عليه وكل سنه اقول السنه الجايه الله يفرجها لين عدت السنين بحلوها ومرها ودايم كانت بينا مشاكل بس مو كثيره بس يحصل اكيد وكم مره تصل لين الطلاق بس بينا طبعا مااحد يدري بس بعيدين اكبر راسي واقول خلاص واتأسف مع انه هو يكون السبب بس مايعترف طبعا وعدت الايام لاعيال ولا غيره ولاحتي احسه يحترمني او حاس فيني اني صبرت عليه عادي كل يوم مزعلني ودمعتي ع خدي ومن القهر والله ادعي عليه بس الله يغفر والحين مقهوره ع عمري الاضيعته معاه وماراح يرجع ولاعندي وظيفه حتي اتسند عليها واطلب الطلاق لاني مليت العيشه بدونه ارحم والله مافيه شي يستاهل اني اجلس معه ملييت من الروتين والوحده لحالي نفسي اسوي لي مشروع واتعرف ع ناس الحين مدمانه وبقوه كل مااتذكر عمري كيف راح وكل مااشوف صحباتي بعيالهم واخواتي وبناتهم بعيالهم اطق من القهر واجلس ابكي بس ايش يفيد راح العمر وانا الاضيعته ورا وهم اسمه الحب والتضحيه وكل بعد عمليه اقول العمليه الجايه تنجح حرام ايش ذنبه ربي ابتلاه وراح عمري انا من غير مااحس ولاهو حاس فيه او معبرني او محترمني اه والله اكتب ونار شابه في قلبي ومقهوره ودي اسوي شي بس ماني عارفه ابقي اسوي مشروع اتسلي فيه واعيش واطنشه هو تعود ع اهتمامي فيه واذا نقصت شي او نسيت شي زعل ومد بوزه شبرين ولايكلمني هذي مشكلته ومضايقتني مرره حركته هذي ابقي اغير من اسلوبه عشان يحترمني تصدقون اني اسوي كل شي له ومو شايفه شي انا حاسه اني عايشه عشانه بس اخدمه لدرجه احس اني شغاله له مو زوجه تعبت وزهقت من حياتي والله ابقي اعيش باقي عمري مرتاحه ابقي اسوي شي في حياتي ابقي انجز تكفون ردو علي وبردو قلبي بردود حلو تفرح وانا مالي الا الصبر الحين لين الله يفرجها ادعوا لي