فضفضه من القلب

• السلام عليكم جميعا كيفكم جميعا ان شاءالله بخير

عزيزاتي ما ادري اذا اللي بكتبه مشكله او فضفضه لكنها اقرب الى الفضفضه اتمنى منكم تقرأوها بقلوبكم قبل عيونكم❤
بنات انا فيني غصه فيني الم فيني جرح بقلبي ماظنتي انه بيبرى احاول انسى او اتناسى ما اقدر اه يارب لطفك وعفوك تعرفين كيف الانسان يضحك ومن داخل قلبه يبكي
هاذي حالتي من يوم مات اخوي الله يرحمه اخذ سعادتي وفرحتي احسني دفنتها معه اه يا اخوي اشتقت له حيلللل حييييل الله لايذوقكم النار اللي فيني نفسي احضنه واشمه واقول له اشياء كثيررره ابي اقولها له ابيه يسمعني بس ابي اسأله اذا تالم بموتته او مات بسرعه و ارتاح دايم افكر بهالشي واتعب ادري يمكن بتستغربون من تفكيري وتتمسخرون بس هاذا اللي يطري علي دايما اتخيل شكله يوم صار له الحادث حبيبي ومامعه احد الا الله وكيف اسعفوه وكيف نقلوه للثلاجه اه يارب لطفك
كان طيييب حيللللل وقلبه ابيض ونقي كان حتى المويه لو اطلبه يقوم ويجيبها لي مع انه اكببر مني بكثير كان مايحط اللقمه بفمه الا واحنا معه حتى لو مو جيعانين يغصبنا ناكل معه
راح بلمح البصر بحادث بنفس يوم زواج اخوي الثاني كانت صدمة عمري اتذكر هاليوم بكل تفاصيله اللي يذبحني انه كلمني قبل يموت و كان جوالي سايلنت مارديت عليه ليت يدي انكسرت ولا حطيته صامت بس الحمد لله هاذي مشيئة الله
اه يا اخوي ياعيون اختك موتك كسرني وهدني ماتخيلت بيوم ان الحزن يهد النفس الا يوم ذقته فيك
بكل مكان احسه بككل زاويه في البيت اشوفه احس كل يوم بيدخل علينا مع الباب ويقول اني لسا حي ومامت
تعرفون نفسي انساه مابي افكر فيه تعبت كثير احاول اشغل نفسي بس بعز شغلي يطري علي واتذكره صرت عصبيه ما تحمل من احد شي على طول ابدا اعصب واصارخ وابكي حتى صاروا صديقاتي يتجنبون النقاشات معي وانا حاسه فيهم وعارفه نفسي ولا الومهم بس الحمدلله على كل حال
اللهم لا اعتراض على حكمك الحمدلله حتى يبلغ الحمد منتهاه
اللهم ارحم اخي وجميع موتى المسلمين اللهم آنس وحشتهم وطيب مضجعهم الله ارحم كل حبيب وقريب فارقناه واجمعنا معهم في الفردوس الاعلى من الجنه
اتمنى منكم الدعاء لأخي بالرحمه والمغفره ولي بالصبر والثبات