الله يفرج همك

مراهقه متاخره وهو من اول ماتزوجته وهو يغازل بعدين الي يعرفها متزوجه اصلا يعني مستحيل يتركون بعض وكانهم كناري سعيدين مع بعض

انا الي هامني في الفتره هذي ومحتاجه له مرا هو احترامي واسلوبه يكون كويس معي لانه صعب جدا اني اكرف ليل ونهار وطول اليوم تجريح واهانه مسببه لي عصبيه ومكرهتني حياتي اما خياناته اخر همي لان في رب بيجي يوم ويحاسبه

الله يقلع كل خاين لويدرون عن حرقة القلب والغيره ماسوو كذا

لا تدورين وراه
اذا الله عزوجل قال بالقران
في سورة النور : ((الزَّانِي لا يَنكِحُ إلَّا زَانِيَةً أَوْ مُشْرِكَةً وَالزَّانِيَةُ لا يَنكِحُهَا إِلاّ زَانٍ أَوْ مُشْرِكٌ وَحُرِّمَ ذَلِكَ عَلَى الْمُؤْمِنِينَ ))
زوجك عذراً يالغالية زاني
والله عزوجل بالقران قال الزاني مايتزوج الا زانيه مثله مايتزوج صالحه تقيه زيك
لان الزاني لايستقيم مدمن على هذا الشي وحرم الله على المومنين الصالحين يتزوجون الزنات
انتي استمريتي على ذمته وهو زاني ماهربتي عنه انتي وعيالك
لاتقولين يتشتتون عيالي
كم عيله مطلقه ماتشتتوا عيالهم واحسن تربيه من اللي عايشين بين ام وابو
صديقتي عايشه مع خواتها امها وابوها متوفين وتتنقل من بيت اخت لاخت مع انه عندها اخوان بس راحتها عند خواتها اقسم بالله عليها اخلاق وتربيه وصلاح وثقل من طفولتها كانها حرمه كبيره وهي ماعاشت مع امها وابوها ماتوا وهي بالابتدائي باول سنتين لها يعني تذكرهم وعاشت معهم
والحين هي ام لاطفال وتربيتها ماشاءالله تبارك الله وهي معلمه ومحبوبه وماشاءالله من الاوائل بالدراسه وحتى بالجامعه تطلع من الاوائل


لذا يالغاليه مو كل من تفرقوا ضاعوا عيالهم
قال الشاعر الام مدرسه ماقال الاب جامعه او جاب طاريه بالتربيه
الحرمه تررررررربي صح لان تربيتها نابعه من قلبها تربيتها خوف وحب
لكن الرجال تربيه مايدلها
الرجال انانيييييين مايهمهم الا انفسهم

المشكله ان اذا الاب سيء الاخلاق واطفاله عنده يكبرون والاغلبيه ياخذون اخلاق ابوهم
ابوهم مدخن يشوفونه مدخن يكبرون يطلعون مدخنين ليش شفنا ابونا على هالشي
الاب مايصلي بالمسجد ولا يهتم للصلاة يطلعون عياله على الاب شفنا ابونا كذا الاب يحسسهم ان هالامور عادي فينشىء الابن من الطفوله ان هذي الامور مو مهم لان ابوي يسوي كذا
انا ماقول كذا الا من امثله حولي
زوجي عرف الدخان من الطفوله السبب ابوه كان يرسله يشتري له دخان من البقاله
الحين زوجي يتخبى عن اطفالي اذا يبي يدخن مايبيهم يشوفون الدخان بيده ولا الكرتون لانه متاثر من طفولته بالغلط ولا قدر يمتنع عنه السبب الاب


اقارب لي ابوهم مايصلي طول الوقت بالبيت طلعوا كل الاولاد الا واحد بس كلهم مايصلون ليش وابوي ليش مايصلي محسسهم انه شي مو مهم كبروا وصاروا رجال بس مايصلون متعودين بسبب الاب


لذا لاتعتبرين وجود الاب بحياتهم انه امان ويبعدهم عن الشتات
الشتات هو سوء اخلاق اب امام اطفال
تعذبين نفسك ببيئه قذره وصخه
حسبي الله ونعم الوكيل على كل رب اسرة مايخاف الله في اهل بيته
اختي لاتنقهرين المتزوجه اللي يسوي معها علاقه ذي الله عزوجل ممهلها كم سنه وراح يفضحها بين الخلايق لانها محصنه
والله شفت نماذج فضحهم الله الله يستر علينا وعليهم
اي احد يتعدى على حدود الله عزوجل يمهله الله مده وبعدها يضربهم الله ضربه قويه


المهم انتي استخيري بحياتك مع زوجك
كل يوم صلي صلاة استخاره
ماتدرين الله عزوجل وين يوجهك عليه يمكن يجعل الفراق بينهم حل
ويمكن الله باستخارتك يفرجها الله عليك بان يغير زوجك


(انك لن تهدي من احببت ولكن الله يهدي من يشاء)