فضفضه وطبطبه

السلام عليكم ورحمة الله وبركاته


الله يعوضك دايم بشيء مافي احد كامل ولا احد ناقص ، انا الله عوضني بصديقه من روحي تفهمني وافهمها اقدر اقول عنها soulmate 🥺💕حبيت الحياة فيها ، وذقت لذة السعادة اللي فقدتها من (3 ) سنين بفضل الله ثم فضلها ، الحمدلله ♥️🥺.


‏ويخلينا ننسى الحزن والضيق إللي ذقناه لفترة طويلة، لفترة اللي نسينا فيها كيف نفرح! 🥺 وكيف نعدي أيامنا بطمأنينة، ونسينا النوم فيها براحة، كثير أشياء راحت منا والسبب ! الظروف ! الحزن ! المشاكل ! الفقد ، ونتعمق في اشياء اللي نعيشها لحد ما كل شي فينا يذبل .💙☁️




‏ونحط في بالنا اذا انذبلنا مافي شي راح يورد قلوبنا،ومافي شي يرد ابتسامتنا،ما نشوف حياتنا بنظره ثانيه ، ولا نعطي انفسنا فرصة انه نتغير ، على اغلب يكون مافي حد يشجعنا ولا يطبطب على قلوبنا ويقوينا بكلام ربي ؛ ويذكرنا برحمة ربي ، ويواسينا بكلمة او بأية بس
( لا تحزن إن الله معنا ) 🌿♥️




‏الله معنا،ف كل ظروفنا،ف اصعب اوقاتنا حتى في فرحتنا،معانه ويحس فينا قبل ما ننطق بحرف،دايما الله يمسح على قلوبنا بس احن ما نحس بلطفه لانه نمشي على اللي احن غرسنا في عقولنا،ويخلينا نعيش بجبر خاطر ينسينا كل اللي كنا نعاني، ويهيئ لنا الاسباب والظروف،ويسخر لنا الخير على رغم تقصيرنا💙.


‏وفي ناس نعرفهم سنين في عمرهم ما افتكروا على اللي نعيشه اشكثر يعور ، اذا تغيرنا تغيروا معانا ! ليش ! لانه يعاملونه بالمثل ، ما يشوفون طرف الثاني كيف عايش ولا شوه الشي اللي غيره وخله شخص ثاني ، في بعض احيان الله يرزقنا بأشخاص على هيئة ( جبر خاطر ) . 🌿☁️




‏دايما تمسكوا في شخص اللي ما تهونون عليه ، لا بحزنكم ولا بظروفكم ، شخص يشد على ايديكم حتى لو انتو تتركون ايده ، شخص اللي ما يحطكم في قائمة ( الخذلان ) على رغم انه يعرف كل لحظة وكل تفاصيلك اللي تعاني منه ، شخص اللي ما يبدلك بين الاشخاص ويحس فيك بنبرة صوتك .♥️




‏الحمدلله على كل اللي ابتعدوا عني على رغم اللي عشته ، واعتبر هالشي خيره ( لانه عوضني بصديقة وبأخت سميتها ( هلت سحابة على حياتي وأزهرت ) وانشهد ازهرتني وخلت قلبي يتورد واحس بطعم الحياة على رغم كل شي 💛☁️.




‏دايما قبل ما انام اتحسس بلطف ربي ورحمته علي ، وتعلمت اني ما اوقف حياتي على حد ، ما اعطي الا اللي يعطيني ويعذرني على رغم تقصيري معاه ( والتقصير يكون بالظروف ، والفقد ، المشاكل ) التقصير مو بالمزاج ، والتعمد على هالشي ، وبس ، الحمدلله على العوض الله بعد الصبر💛🌿.




‏وارتاح كثير لما الشخص يبتعد من نفسه وبإراداته ،عشان انا ما احس بتأنيب الضمير على شي(راح)وعلى انه ينحط الغلط علي،لانه الظروف والنفسيه مو احن نخلقها لـ انفسنا،الله يبتلينا ويخلينا نعيش بأشياء احن ما نتحملها بس هو عند الله هين ، وكل شي في حياتنا فترة وتعدي .




‏ومافي شي يحملنا فوق طاقتنا بس احن البشر وخزة من الابرة ما نتحملها ف كيف لو الظروف ، الحمدلله بفضل الله تعدى كل شي، وتحملت ؛ وصبرت ، وذقت الراحة بعد كل اللي عشته ( واللي راح احب اقول له ، مع الدنيا السلام ، لك العوض ، ولي العوض الجميل من الله )☁️💛.




‏عندي اقتناع تام جدًا بأن اللي يساعد الناس الله يسخر له اللي يساعده، الخير عبارة عن دائرة تدور وترجع لك، تبي تفرح فرح غيرك، بكل بساطة ساعد ستُسَاعد .. العطاء جميل ♥️




#روح_لله_هاربه