فضفضه وفوايد

الحمدالله على كل النعم الذي انعم الله علينا ...... انا قريب والده وشايله هم المطبخ من الى وكيف اسوي في رمضان والبيبي يرضع وكل شويه يبكي واروح ارضعه وارجع اكمل الشغل المهم عملت كميه كبيره من الكشنه اول شي حطيت نص كاسه زيت في القدر وفرمت كميه من الثوم والبصل بس اقل من الطماطم الين اتحمرو وصار لونهم ذهبي وفرمت كميه كبيره من الطماطم طبعا يكون اكثر من الثوم والبصل وخليته تقريبا نص ساعه الين يخرج زيته وتعرفي وقتها انه اخد كفايته واخليه يبرد وجبت اكياس صغيره ابو اللف وكيست الكشنه كل كيس حق طبخه وحده وكمان الدجاج مقطعته كل نص دجاجه في كيس سويت كميه كبيره ... والله ياااخواتي مررررررره سهل يعني بس اصحى من النوم ماشالله اطلع كيس من الكشنه والدجاج واحطه عالقدر وارميله مويه حاره واغطي القدر ينفع اذا كنتي بتسوي كبسة او ايدام وبالنسبه للثوم شفت في اليوتيوب طريقة تقشير الثوم جيبي برطمان فاضي وحطي حبه كامله وغطيها وحركي العلبه الين يفك ويتقشر وماياخد وقت كتير وانا جربته روووووعه ,, وانا من النوع اللي ماانوع كثير في الفطور بس شوربه وسمبوسه يوميا ونادرا اضيف شي بسيط ونفسي انوع بس مااعرف ومايمديني فارجو من كل وحده تدخل تعلمني عن طبخها واللي يحبو اطفالها وايش نوع العجينه اللي تستخدميها في سمبوستك ان كان حق برا اكتبيها وان كان تسوي عجينه بيدك علميني طريقتها بالتفصيل لانه عجينتي تطلع يابسه وماتعجبني وانا اطلعها بالمكينه مره تطلع خفيفه ومره متينه لمن تكون خفيفه واقليها تيبس وتتقرمش .. ويارب يفرج هم اللي ترد علي