فضفضه وما ابي الا الدعاء

اولا السلام عليكم ثانيا والله ياينات حواء اعنبركم مثل اخواتي وعندي موضوع تاعبني حيل مع زوجي انا بقولكم السالفه وابي منكم الدعاء له بالهدايه وذا في حلول لا تبخلون على اختكم .........زوجي الله يسلمكم صارله 5 سنوات مطيح بدوله قريبه مننا مابي اذكرها ومن كلامي اكيد بتعرفونها كل اسبوعين لازم يروح لها على اساس عنده شغل مع زميل له ويروحون يقضونه سوا ويرجعون اوكي بعدين شوي شوي الاخ في الله كثرة الروحه بحجة الشغل وصارت بيني وبينه مشاكل مايعلم فيها الا ربي بس شنقول احنا الحريم ضعيفات والله ولا قدرت عليه وصارت السالفه ادمان ....طبعا وكل هذا لما اقوله بنروح نتمشى فيها ونرجع مايرضي ويقول زحمه ويلف ويدور حسيت السالفه مو هينه وهو مافاد مع شي فقمت ادعي ربي انه اذا كان يروح لشي مو زينه الله يفضحه عندي والله ثم والله يابنات تحقق دعائي سبحانك ربي وافتح جواله في رمضان الا مسجات بالهبل حب ودلع وغزل ومن مبن تتوقعون
من وحده روسيه الله ياخذها ولا يوفقها بدنيتها تخيلتو معاي طيب جلست يومين افكر وافكر بعدين واجهته واعترف بس يقول انه مالمسها مجرد سوالف فقط وعلى باله صدقت لا والله الا الحظه هذي لاكن الي مصبرني عيالي بس ولا هو مايستاهلني امس جا وقال يالله بمشيكم هناك يعني بالديره الي يروح لها وانبسطو العيال ورحنا وتغدينا لاكن بقلبي غصه يابنات من دخلت هناك وانا اتخيل شكلها واتخيل زوجي معاها وشكانو يقولون وشيسون والله هم بعالم وانا بعالم ورجعت متنكده على الاخر هناك الوضع فري والبنات اشكال والوان وبنات مايستحون والله شوف عيني تمشي بدلع قدام الشباب وصوتها وضحكتها ترن المكان رن .....طيب هو بيرجع يفتح الموضوع على انه بيروح وانا فلبي خلاص مايتحمل لاني انصدمت منه فكيف اتصرف ارجوكم مالي الا الله ثم انتم حسو فيني وكل وحده متزوجه تتخيل انه زوجها يخونها ومع روسيه شبيكون موقفها والسلام عليكم