فضفضه يمكن

السلام عليكم ورحمة الله وبركاتهمبدئيا الشعر له انواع تمام؟ كيرلي ويفي كنكي ستريت شايفين شكثرهن غبر التقسيمات تحت كل واحدبس للاسف في ناس مادري من وين تفكر معتبره الشعر بس ستريت غيره تالف ومنكوش محتاج عنايه وذا شي غلط وفوق ذا الكلام هذا يجرح تخيلي اول ما تطلعي للدنيا وشعرك كيرلي يعني من انتي بالاشهر وشعرك قاعد يطول و تبان لفاته يجون الناس يتكلمو عنه بطريقه سيئه وانتي بزر يعني توك ولا تعرفي تنطقين ماما و بابا و المشكله تكبر وتكبر كل ماكبرتي تنمر من هنا مشطي كشتك من هناك سوي علاج لشعرك-فرد يعني دمار- و بعدها تعيشي حياتك يا تحت السشوار يوميا عشان ما يكش يا فرد عشان أسهل لك -مع انه أصعب لك لو تركتي هالفعل الشنيع و صرتي تهتمي بشعرك بطبيعته - والمهم بعدها تعاني من التساقط ليش ؟ لأن كثر المواد الكيماوية حق الفرد أو الحراره مضرات والله مضرات حرام عليكم حراممم ومو كل ما شفتي قشره تقولي شعري وصخ وتجيبي شامبوهات القشره الغبيه ذيك ترا في سببين للقشره تراكم زيوت وعكسها الشعر جاف اعرفي السبب بعدها تصرفي يرحم والديك و انتي يا ام خلطات وزيوت فرد ما لأمها فايده تراني اشوفك بطلي تكذبي على بنات الناس وتقولي أن زيتي أو خلصتي يخلي الشعر ستريت يماما الزيوت والخلطات يا للترطيب يا للتنعيم والتنعيم مو أنه يصير ستريت ياماما فاهمه يحلوه؟ ويا للمساعده على أن الشعر يطول و في اشياء ثانيه اتوقع مدري ما استخدم زيوت وخلطات الا مجموعه جيوفاني الخضرا و ياماما لا تتاثري بكلام الناس عن شعرك وحبي شعرك زي ماهو والله لو قعدتي تحت السشوار طول عمرك بتندمين تساقط و تقصف ارضي بشعرك ياماما لا تغيريه عشان كلام الناس كوني نفسك مو نسخه من احد او شخص آخر ارضي بكل شي فيك لا تغيري شخصيتك عشان احد لا تغيري خلقتك لاحد لا تنحفين لاحد لا تتغيرين لاحد سوي كلشي عشان نفسك مو عشان فلان وعلان مو عشان واحد متنمر بدون عقل تقومي تتاثري وتسوي الي يبيه لا تضرين نفسك عشان واحد أو وحده ما بقول مو متربين لأن انا متأكده اهله ربوه كويس بس هو دلخ