فضلات الطعام

هلا وغلا أم علاوى

والله حاسه بالمشكلتك وماأقول الا الله يديمها علينا نعمة

بالنسبه لبقايا الطعام أكيد أنه فى ناس يحتاجون للقمه مثل الهندى اللى يمشى بالشمس يكنس الشوارع
أو يغسل سيارات أو ينظف الحدائق

وبالنسبه للسندويتشات والخبز
صراحه أجمعه فى خيشه الى أن تمتلى وبعدين أرسلها لناس أعرفهم عندهم زريبه يستفيدون منها :27:

أتمنى أكون أفدتك غاليتى

والبنات ماراح يقصرون معك :26:

أختي احذري من رمي الطعام في الزبالة
ترانا بنحاسب عليها
انا عندي الحل
اجمعيها ولو كنتي تعرفين ناس عندهم مزرعة فيها غنم - ابل روحيها لهم
لو ما تعرفين اجمعيهم بكيس كبير بالفريزر
وبعدين اطلعي للبر وافتحي الكيس في مكان تحت شجرة او زي كذا
كا ما اكلت منه بهيمة او حشرة كان لك اجرها

المهم ما تنرمى النعمة مع النفايات وتنهان
اعرف وحدة ماشاء الله تبارك الله حتى الشاي والقهوة ما تكبه بالمغسلة زي الناس
لا تقوم تسكبه على الزرع اللي في الحديقة
تقول يااختي حرام النعمة تروح مع الموية اللي فيها اوساخ
غيرنا يتمنى النعمة واحنا نرميها

وهي صادقة

الله يهيدينا وياكم لشكره

انا اقولك وش اتسوين
اجمعي البقايا في كيس وحطية في الفريزر وإذا جيتى تطلعين انتي والا زوجك شيليه معك وحطية في ارض فاضية ياكلونها الكلأب والقطط والعصافير وعشان تتاكدين روحي مثل بكرة الى نفس المكان ماراح تلقين إلا اثر بسيط ولك اجر انشالله ،وترى رمي الطعام لايجوز