فضل الاستغفارقصه واقعيه لاتفوتكم

السلام عليكم ورحمة الله وبركاته كيف حالكم ياحوائيات طبعا كلنا نعرف فضل الاستغفاروكم من حاجه قضيت بفضل الاستغفاروحبيت انقل لكم هذه القصه اليوم دقت علي وحده من الزميلات تقول اسمعي وش حصل معي موقف امس عجيب قلت خير عسى ماشر <طبعا هي مطلقه وام لولدين وبنت الله يخليهم لها>تقول انه امس حبت تغير جو لعيالهاوطلبت من اخوها :arb:انه يوديها هي وعيالها للبر مخطط قريب من بيتهم المهم تقول كنت ناويه اقول لاخوي يمر البقاله علشان اخذاغراض لعيالي مويه وعصير تعرفون الصغار المهم تقول شفت ان اخوي معصب :(وماحبيت اقول له شي واضغط عليه نزلت انا وعيالي مامعنى غير السجاده اللي نجلس عليها جلسنا والصغارمبسوطين وانا افكر واقول ياربي فرجلي من وين ابجيب مويه واغراض اخاف يجوعون وانا ماحسبت حسابي بالصدفه مرت سيارة الايسكريم ومامعاه الامويه حمدة ربي وشكرته على نعمته جلست اتمشى انا وعيالي واستغفر وادعي يارب تعلم بحالي فرج لي ولزمة الاستغفاروعيالي ماحسو بشي يلعبون ويتفرجون على الرايح والجاي ويشوفون الصغار اللي معهم ابوهم قالو ماما وين بابا ليش مايلعبنا قلت ان شاءالله يجي< له خمس سنوات مايدري عنهم ولايعرفهم >المهم ويشوفوا على بعد مسافه دبابات للايجار وعندها اربع شباب الله يستر عليهم شعر طويل وجنز وحركات الشباب لفت انتباه عيالي واحد منهم ركب سيارته قال ولدي ماماوين راح ترك اصحابه وخلاهم قلت يمكن بيجيب غرض ويرجع لهم سكت ولدي كمل لعبه فجاه رجع الشاب ووقف عنداصحابه وتوجه لنا ومعه كيس ونادى ولدي الكبير اولى ابتدائي واعطاه الكيس فيه مويه وعصير واغراض الله يجزاه خير تقول ذيك اللحظه حسيت بشعور غريب قلت يالله ربي استجاب لي وسمع مناجاتي وانا في البر <تقول من فرحتي ماادري وش لون قلت الكلام >وانا في نفسي على يقين ان الله يسمعنا ويرانا في اي مكان قلت لها الله مايضيع عباده والاستغفار فضله عظيم وذكرتها بآيات قرانيه تقول ماادري ليش جيتي على بالي قلت ابقولك قصتي تكلمت معها وقلت ان الله بيفرجها لك ان شاالله وانها الان في وضعها <المادي والاسري >في اختبار من الله سبحانه وتعالى والمؤمن مبتلى واستأذنتها اني انقل لكم قصتها ورحبت وتقول خلي الاخوات يعرفون فضل الاستغفار وكيف ربي ارسلي الشاب لمساعدتي بالرغم من انه غير ملتزم لكن قدرت الله <عندها قوة ايمان وعزيمه وعفت نفس تخيلو عيالها الصغاروضعهم الصحي سئ ومحتاجين عمليه وماتقدرتسوي لهم بحكم الماده واقول لها ادخلي على المدير واشرحي الوضع تقول لاماابي اجدع نفسي على احد ومااحب احرج احد لي تسع سنوات وانا وضعي صعب بيفرجها لي ربي ان شاءالله قريب>الله يجزاها خير قمه في الاخلاق وآسفه اني طولت عليكم بس حبيت انكم تستفيدون زي مااستفدت الله يفرج لها والمسلمين اجمعين اتمنى من الاخوات انهم يخلون موضوعي في الصفحه الرئيسيه لوقت اكثر وجزيتم خير :26:<