السلام عليكم ورحمة الله وبركاته
حبيت اقول لكم قصتي واتمنى انكم تستفيدون منها
من فتره كانت تصير مشاكل بيني وبين زوجي على اتفه الاسباب
اربع وعشرين ساعه مشاكل لدرجة اني كرهت القعده في البيت
المهم بعد فتره بسيطه حلمت ان البيت محترق وزوجي حلم ان فيه ثلاث عقارب ثنتين ميتين
ووحده ماسكها في يده وكانت تبغي تلدغه بس هو مسكها ومالدغته واختي حلمت انها زارتني في غرفتي وبطلت درج ولقت فيه نمل اسود ويوم فسرته قال الشيخ عن حلمي هذا حسد
في حياتنا الزوجيه وعن حلم زوجي حسد ظاهر وعن حلم اختي حسد من اقرب الناس لي وقالي اقرى سورة البقره لمدة ثلاث ايام وانفث في ملح وارشه في زوايا البيت وسويت الطريقه وقريت سورة البقره لمدة ثلاث ايام
ورشيت في زوايا البيت والله يابنات ان علاقتنا صارت من احسن مايكون وعلى طول رايقيين (ماشاالله) حتى من قبل ماكنت انام في غرفتي كل مانمت لحالي اتحلم احلام تخوف لدرجة اني اقوم معرقه من الخوف والحمدالله كله من فضل رب العالمين وسورة البقره اتمنى انكم استفدتوا ترى فضائل سورة البقره عظيييمه ولاتنسون الاستغفار انا لما تزوجت ماحملت بسرعه قعدت تقريبا عشر شهور وكلن يسألني ليه ماحملتي واخوان زوجي الكبار يسألونه وكنت اتضايق من الموضوع المهم استمريت على الاستغفار وسبحان الله بعد فتره بسيطه حملت الحمدالله وانا الحين في السابع وكل مابغيت شي استغفرت والحمدلله ربي يفرجها علي لاتستهينون فيها اعمال بسيطه ماتاخذ وقت حتى تقدرين تقولينها وانتي تشتغلين وفوائدها عظيمه
اسأل الله ان يفرج هم المهمومين من المسلمين وان يفك كربة كل مسلم
الكادي505 @alkady505
عضوة جديدة
يلزم عليك تسجيل الدخول أولًا لكتابة تعليق.
دموع @ دموع
•
الله يفرج همي وهمك وهم كل مسلم ومسلمة الي يوم الدين
الصفحة الأخيرة