احتياج الرياض كان أكثر من 200 وظيفة..مو صفر..!

لاحظي يقصدون بالرياض..مندوبية الرياض والمندوبيات التابعه لها

مثل حريملا وشوية ورماح وضرما والعيينة وثادق والبره وغزيز والمزاحمية ونساح والقرى والهجر

التابعة لكل مندوبية منها..

ونفس الشي للمدن الثانية..جدة احتياجها أكثر من 180 من مختلف التخصصات

وشوفي جدول الاحتياج..

http://www.mcs.gov.sa/Detail.asp?InSectionID=1742&InNewsItemID=133118

. حسبي الله عليهم
انا استغرب من هالمدارس الجديده الي تبنى ويفتحونها والمدرسات جاهزات من وين يجوبنهم
النصب عيني عينك ولا احد يقدر يسوي شي
تلاقين الوحده تدرس بمدرسه ومنتدبه باخرى
طيب ليش الضغط وفيه ناس غيرها

حسبي الله عليهم ونعم الوكيل

احس هالسنه الواسطه لااااااااااااااعبه في الوظايف لعب واااااااضح
يعني معاد مثل اول كل شيئ من تحت لتحت لااااا صار كل شيء مير عيني عينك !! لا سحى ولا مستحى !!
الله يستر من ذا الدنيا وش بتسوي فينا السنين الجااااايه !! الله المستعان بس
الله يغنين من فضله

ثادق تابعة لمنطقة الرياض , وفيها عجز شديد لبعض التخصصات مثل العربي والتاريخ .. والإحتياج صفر !!
ومع بداية الدراسة يتم تعين معلمات من مناطق بعيدة بدون أي أعلان !!
هل يعقل هذا ؟!!