الي شفته والله حاجة تحز بالخاطر وتعور القلب
العمالة الاجنبية وصل فيها الاستهتار لدرجة خطيرة بعد المقطع الي شفناها وتعذيب معاق من ممرض اسيوي
وانا متوقعة كل شي منها بس ان اشوف بعيني وقدامي والله شي مو طبيعي
مايتسلطون الا على الضعوف المعاقين وكبار السن
كنت مرافقة مع خالتي الي بمثابة امي لان جات لها جلطة بالقلب وحطوها في العناية المركزة
والله العظيم يابنات والله الشاهد علي شفت الممرضات شلون يتعاملون مع العجايز تعامل يعور القلب
اذا بيغيرون لهم يدفونهم دف زين والله عظامهم ماتتفكك والاكل مايوكلونهم الابدفاشة وكم لقمة وخلاص يشيلون عنهم الاكل
كانت جنبنا وحده عجوز بينقلونها غرفة التنويم ومب عارفه تمشي قاعدين يدفونها بقوة وهي تتألم ماقدرت اتحمل قلت خلوني انا اساعدها من شافتني قالت ابوس راسك دقي على ولدي يجي ياخذني اروح البيت عذبوني الي مايخافون الله
ااااااه والله العظيم قلبي تقطع عليها
طلعوا خالتي ودوها غرفة التنويم وكانت جنبنا مريضة ماشاء الله عليها حتى وهي في مرضها مشغلة القران وتسبح وتستغفر عسى الله يرفع عنها المرض معها خدامتها الفلبيبنية مرافقة
في الصبح تدهورت حالتها والاطباء والممرضات حوالينها بعدها اسمع صوت خدامتها حاطة سبيكر وتكلم رجال الظاهر من نفس جنسيتها قسم بالله ماكذبت عليكم نحسن الظن ونقول يمكن قريبها او احد من اهلها ومن خلصت المكالمة وهي معصبة وتنافخ وتصافق في بيبان الدولاب
بعدها جاوا معها الممرضات الفلبينات يبون يطلعونها من حالتها الي هي فيها وشغلوا الجوال اغاني صاخبة ويرددون الاغنية ويضحكون باعلى صوت وتخيلوا المريضة تتأوه على فراشها من الالم وهم ولايهتمون
طلعت لهم وقلت لهم في مرضى طفوا الجوال وبعدها بدقيقتين شغلوه مره ثانية قالت لهم وحده حرام ردوا حرام بعدين؟!؟!
ماقدرت اتهاوش معهم ورب الكعبة خفت يسون شي في خالتي هذولا ماعندهم لادين ولاضمير يردعهم
كلمت ابوي وراح للمسؤول بس ماشافه قال بيروح له يوم ثاني ويكلمه
اقول لكم انتبهوا على مرضاكم في المستشفيات خصوصا كبار السن والله معاملة الممرضات لهم تبكي صخر
الله لايحطنا ولايحط احد منا تحت رحمتهم :44:
طموح المجد @tmoh_almgd
عضوة نشيطة
يلزم عليك تسجيل الدخول أولًا لكتابة تعليق.
ريماس العنبر
•
حسبى لله ونعم الوكيل
الصفحة الأخيرة