السلام عليكم ورحمة الله
مساء الخير كيف احوالكم ياالعاطلات
ان شاء الله انكم بخير
والله السميع الكريم يغنينا من واسع فضله وكرمه
اكيد ان اغلبكم دخل الموضوع بسبة العنوان الجميل هههه
تدورون على الفضائح دوّره
السالفة ومافيها ياطولين العمر >> حاسه اني جالسه اكتب معروض
بحكيلكم قصتي
هذا سلمكم الله لين نزلت اسماء المعلمات المرشحات قبل امس كنت متأمله خير وقلت خلاص بودع سنوات العطالة ومنتدى البطالة
خصوصا بعد الامر الملكي من ابونا ابو متعب الله يعطيه الصحة والعافية يارب
الخاص باستحداث 39 الف وظيفة نسوية للعاطلات
( لاحظي ياوزارة الخدمة العاطلات مو المثبتات او المتعينات )
قلت خلاص الوظيفة في جيبي لدرجة اني ماخليت احد من العائلة الكريمة ما وعدته اني بعطية حلاوة التعيين
واول مانزلت الاسماء طرت من الفرحة >>تقولون خلاص تعينت
وجلست ابحث عن اسمي وطبعا مالقيته كالعادة بس موب هنا المشكلة
بس شفت وحده اسمها يشبه لاسمي طبعا بتقولون عادي تصير في اغلب العائلات هههههه
بس موب هنا المشكلة
عاد محدثتكم راح تفكيرها بعييييد قلت يمكن ابوي متزوج على امي >> شوفوالتفكير بس
موب هنا المشكلة >>> يا ناس احد يصطرها كف هالبنت
قلت لنفسي يا بنت سوي بحث في قوقل عن اسم هالبنت اللي تشبهك هههههه
واسوي بحث وحزرررررو وش طلع (هنا المشكلة )>>مابغت
طلع ان هالبنت متوظفة من سنة
ومعينه خير من الله لا وبعد طلبت نقل وانقلت الله يوفقها ويبارك لها والله مو حسد لها ابد
انا صابتني صدمة وقهر وخرعه بنفس الوقت قلت معقووووول وزارة وش كبرها تكذب علينا ويطلعون اسماء معلمات متعينات اصلا ويقولون لنا اسماء جديدة !!!!
لهدرجة الاستغفال والاستهتار فينا وفي عقولنا حنا يا وزارتنا الموقرة مانبي منك غير الصدق فهل الصدق يزعجك
!!!!سبحان الله !!! الله اراد فضحك ياوزارتنا
{{ويمكرون ويمكر الله والله خير الماكرين }}
قسما بالله فضيحة بجلاجل
على قول المصاريه وقسما بالله العظيم اني صادقه بكل حرف كتبته ويشهد الله على ذالك واذا ماحد مصدقني بعطيه اسم البنت ويسوي بحث في قوقل ويشوف اسمها نازل العام والسنة هذة !!!!
منقول من منتديات حلول البطاله