فضيحه والله

قبل شوي دقت بنت عمي تبكي قالتلي السالفه وانا ماعرفت كيف اساعدها بالحل قلت بحط الموضوع في عالم حواء واشوف الحريم لو مكانك وش كانو تصرفوا فاالله يرضى عليكم الموضوع كبير وفضيحه ياليت تصدقون بالشور لانها بتطبق نصايحكم الي تتفقون عليها
السالفه انها تقول صار لابوها حوالي 7 شهور ينام بالملحق الي بالحوش اول ماكلن يقفل الباب الاساسي بس يدخل الملحق ويقفل عليه باب غرفة النوم اما الحين له اسابيع يقفل الباب الخارجي والداخلي كلهم مع بعض تقول شكيت ان عنده بلا بس وش اسوي ماعندي اثبات وطنشت لان محد يسمعلها بالبيت ابوهم مايبين عليه شي تقول قبل اسبوع سمعت صوت حرمه بس ماتاكدت انه في بيتنا لان بيتهم ملاصق لمدرسه فقالت يمكن ازعاج الصغار بعدين طنشت مع انها تقول انها حاسه وشبه متاكده ان ابوها يسوي مصيبه في الملحق تصرفاته تدل بس عقلها مااستوعب ان ابوها قدوتها يسوي كذا
بعدين صار الي ماخطر بالبال تقول اليوم جاء قبل الظهر وجاب اغراض للبيت ورماهم بسرعه بالدرج وراح واستغربت البنت وراح تطل من الشباك الا سيارة ابوها فيه اجل ليش مستعجل تقول جاء ببالي ان عنده رجال ومستعجل ضيوف يعني بعدين ماشافت سيارات ولاشي الاسيارة ابوها وتوكلت على الله ونزلت للملحق وقفت ورى الباب تتسمع تقول سمعت اصوات يعني معاه احد وتأكدت من الصوت انه صوت بنت المهم توكلت على الله وطقت الباب بقوووووه عشان يخاف ويفتح لانها لو دقت بشويش بيطنش قالت احسسه ان فيه مصيبه عشان يفتح تقول فتح بس ماتوقع اني بهجم عليه جوا تقول وبدون وعي دفيته ودخلت وشفت حرمه وبسرعه الحرمه تغطت وهربت وكان في رجال ينتظرها بدون سياره شفته بسرعه دخل ومسكها وهربو وش السالفه يابنات وش تتوقعون وش نتصرف انا وياها وامها موجوده وطيبه وعلى نياتها والاب هاجر الام بدون اسباب لانها مريضه شبع منها حسبي الله علي كل ظالم