مساكم //صباحكم أجمل
كيفكو طباخاتنا الحلوات
بصراحه الفطائر الشيئ الوحيد الي كنت اتمنى اتقنه تماما واستغني عن المطاعم
لاني ماحب اكلهم كثير وبالذات اذا كان عندي ضيوف احب اسوي كل شي بيدي المهم
حاولت اكثر من مره بس ماتزبط معي الفطائر تركتها سنه بعدين رجعت وسويتها استخدمت
اكثر من عجينه وكلهم تمام معي قدرت انجح نوعا ما ومره شفت وحده منزله موضوع عن عجينة
فطائر بدون تخمير ابد سويتها المره الاولى مازبطت معي بس المره الثانيه مره تمام اعجن العجينه من
هنا واحشيها من هنا ماتاخذ مني وقت ابد وبالفرن كمان ماطول وهذي هي العجينه مقاديرها وطريقتها
فنجان شاي زيت
ثلاث ملاعق طعام حليب بودر
ملعقة ملح
ثلاث ملاعق سكر
2 ملعقه خميره فوريه
واحد كاس دقيق أبيض
1ونص كاس ماءدافى
الطـــــــــريقــــــــة :
** توضع جميع المقادير السابقة في الخلاط أو العجانة وأتركيها لمدة
7 دقائق بالضبط أو أكثر وأهي تنخلط يعني ماتستعجلي عليها
لانك إذا تبين فطاير زي القطنة خليها تتعاجن أو تنخلط مضبوط
عاد ما أوصيك 7 دقائق أو اكثر
** الآن بعد ماقضت السبع دقائق نضيف اليها كأسين دقيق أبيض إن كنت تستعملي العجانة
أتركيها بالعجانة وأنتي تضيفي الدقيق حتى تتجانس مع بعض وتصبح عجينة لينة وراح تلاحظي
لما تمسكي العجينة راح تكون دافئة
أما إذا كانت بالخلاط تقومي بصب الخليط في زبدية وتضيفي اليها الدقيق مع العجن الجيد ولمده معينه وبعدين ابدئي في تشكيلها
اما سر نجاح الفطاير
اولا العجن لابد تعجنيها من قلب وتاخذي وقت عليها وترفعيها
بيدك وترميها في الزبديه ووتدخليها جو بعضها طبعا بنات
الي تتقن عجينة الفطير الخفيف الي ع الصاج راح تزبط معاها
واي نوع عجينه المهم العجن
ثانيا الفطاير ماتخليها اكثر من عشر دقايق في الفرن وماتحمريها
كثير لانها راح تنشف وتيبس ولعي الفرن اول ماتشكيلها ودخليها فيه وهو حار
ثالثا اذا طلعتيها من الفرن حطيها في حافظه وحطي فوقها مناديل
عشان لم تعرق يتشربه المنديل مو ترجع المويه للفطاير
وتخربها وتلينها زياده
وهذا الي حبيت افيدكم فيه
وهنا صور لبعض فطايري
ولاتنسو بنات ذكر الله
حتى لو على شي عادي
ماشاء الله ولاقوة الا بالله
رايحه للفرن
وبعد خروجها
وصوره ثانيه
وهنا يوم كنت فاضيه وسوت فيه الفطاير
انتهينا واتمنى تستفيدون واي استفسار انا حاظره
والي عندها حشوات جديده تقولي
وكمان الزعتر مع اللبنه كيف اعمله ؟؟
وفي امان الله