من بعد انقطاع فترة عن عالمي عالم حواء رجعت لكم بفطائر التوست المقلية وهي سريعه التحضير ولذيذه جداا وتنفع طبق جانبي وايضا تنفع للعشاء وجبة رئيسية مااطول عليكم واعطيكم المقادير السهلة المتوفرة بأي بيت ::cook:
المقادير :توست طبعا مو محدد الكمية اهم شي كل فطيرة محتاجه شريحتين توست وحسب عدد الاشخاص + مايونيز + جبنه سائل + زيت للقلي + دقيق لتغميس التوست فية + الحشوة حسب الرغبه اما دجاج مفروم او لحم او تونه اهم شي مايكون فيها طماطم عشان التوست مايلين مرة من عصارة الطماطم + انا انا استخدمت تونه في وصفتي وهي
بصل شوحته بزيت قليل مع جزر مبشور واضفت التونه والفلفل الرومي المقطع صغير مرة وفلفل اسود وملح واضفت مكعب ماجي واذا التونه علبتين اقسم المكعب الماجي بالنص .
والكميه اللي استخدمتها انا التونه 4 علب صغيرة وكيس توست كامل و 6 بيضات ...
نحضر التوست بقطع الاطراف
اخذ شريحتين وحده ادهنها مايونيز والثانيه على الاطراف بس ادهن جبنه سائل
اضع الحشوة بوسط الشريحه اللي على اطرافها الجبنه السائل وانا عملت كذا عشان يمسك التوست من جميع اطرافه وماتخرج الحشوة
لاتردواااا بكمل دقائق بس ........
وهنا بعد ماغمسته وصار جاهز للقلي وعلى طول اقليه عشان مايلين التوست كثير ويفضل متماسك
ونقلي التوست ونضعه على ورق ماص للزيت
وهنا خلاص انتهى وبصحه وعافيه عليكم
اتمنى يحوز على رضاكم ويعجبكم وياليت اي وحده عندها اي وصفات سريعه التحضير وسهله تضيفها وتنفعنا اللي عندها دوام وترجع تبي تسوي شي سريع ولذيذ بنفس الوقت .... دمتم بود