بسمـ اللهـ الرحمنـ الرحيمـ
كيفكمـ حبايبي
اليوم حبيت تشوفوا فطاير الجبن والزيتون ,, اللي كنت أول أشتريها من برا مع مجموعة فطاير من مخابز نعمة
واللي كنت أعتبرها شي لذيذ ,, وكنت أفضل فطاير الزيتون اللي كانت عبارة عن زيتون والعجينة حقتهم وبس !!
ساعة الا وهيا ناشفة اللهم لك الحمد والشكر ,,
ولكن بعد ماتعلمت عجينة العشر دقائق قلت ليه ما أسويها على كيفي وبحشوتي وكمان أنظف ؟؟
نبدأ بسم الله ( ماشاء الله )
اذكروا الله حبايبي ,,
العجينة هي نفسها عجينة العشر دقايق أعجنها كويس واتركها ترتاح وأروح للحشوة
الحشوة ,, جبنة كيري مقطعة لأربع مربعات وعلبة زيتون محشي مصفى من الماء وزعتر للتغليف
وهنا أجيب كل زيتونة وأغلفها بمربع من جبنة الكيري حتى يغطيها من جميع الجوانب
بعدين أغلف الجبن والزيتون بالزعتر برضه من كل الجوانب زي كدا
أرجع للعجينة بعد ما ارتاحت وصارت جاهزة للتشكيل ,,
أقطعها زي أقل من نص البيضة وأفردها بشكل دائري وأحط الحشوة وأقفلها من الأسفل وأحطها في
الصينية وعلى بال ما الفرن يسخن تكون ارتاحت شوية
أمسح وجه كل حبه ببياض البيض وأرش السماق وعلى الفرن
ماتاخد وقت كثير من 7 لـ 10 دقايق بس أطلعها و أشغل الفرن من فوق تتحمر على خفيف بس
وهنا بعد ما صارت جاهزة
وهنا من الداخل
وهنا أقرب
أما الهدية اللي وعدتكم فيها ,, فهي إنه باقي من عجينة الفطاير شويه وسويتهاا فطاير الشواية اللي الكل يتكلم عنها وأنا ما كنت
مصدقة إنه أقدر أحشيها بأي شي أو حتى إنها حتنفتح أصلاً
اتفضلو ا
حشيتها شرائح جبن حلوم , طماطم , خس , شوية بقدونس , جبن سائل , مايونيز
أتمنى تعجبكم
تحياتي ,, سويت نس