السلام عليكم و رحمة الله و بركاته
ازيكم اخواتى فى الله
يارب تكونوا كلكم بخير و بسعادة يا رب
جيبالكم النهاردة شوية فطائر جميلة جدا و خفيفية جدا و هشة جدا جدا
و هى فطائر الجبن بالشبت
يالا بينا نبتدى بسم الله
المقادير
3 و نص كوب دقيق
نصف كوب زيت
3 معالق كبيرة شبت مقطعة صغير(و هنا مش هناخد الاعواد الكبيرة يعنى هاخد نص الحزمة اللى تحت اللى مليانه شبت )
قطعة خميرة فى حجم الليمونة او معلقة كبيرة خميرة جافة
2 معلقة زبادى
ماء دافئ للعجن
نص معلقة صغيرة ملح
2 معلقة سكر
(على فكرة يا جماعة انتى ممكن تعملى اضافة الشبت و الجبن مع اى عجينة فطائر
انتى بتحبيهازى عجينة العشر دقايق او اى عجينة تانية و لو حلوة قللى السكر
بتاع العجينة شويه)
الطريقة
*هنحط المقادير على بعض و نعجن كويس جدا لمدة 10 دقايق( انا كان عندى لبن رايب فعجنت بيه)
*و بعدين نسيبها تخمر لحد ما يضاعف حجمها انا سبتها ساعة
منظر الشبت مع العجين روعة فى الشكل و الريحة و الطعم
*خلى بالك العجينة المفروض تبقى بتلزق خفيف فى الايد و لما بتخمر و بتيجى تشكليها
مش هتلزقفى ايدك ان شاء الله
*و بعدين هنشكلها كور و نحشيها اى نوع جبنة انتى بتفضليه ( انا حشيتها جبنه فيتا
و ممكن كمان تزودى فى الحشو زيتون لو تجبى او جبنه بطعم الزتون او الفلفل الاخضر )
*هنرصها فى صنيه مدهونة زيت و نسيبها تخمر ساعة كمان او نص ساعة على
حسب الجو
شايفين الجمال...ياسلام يا سلام ههههههههههه
*هنخبزها فى فرن ساخن على نار فوق المتوسطة بقليل و هتبقى بالشكل ده
دا شكلها من الجنب...ماشاء الله هشة جدا
و دا شكلها من تحت
دا شكلها من جوا
و الله يا جماعة طعمها بجد روعة و عجبت ابو يحيى كتير و اتعشينا بيها
يارب تنول اعجابكم
فى رعاية الله و فى حفظه اخواتى
بحبكم فى الله
يسلموا شغل جميل