فطايرك زي القطن

اهلين يا حلوات كيفكم ؟؟؟؟

بما ان رمضان على الأبواب
عندي لكم عجينه لجميع انواع المعجنات


( فطائر ـ بيتزا ـ خليه ـ كروسان ـ سينبون )

تصير فطايرك زي القطن ولذييييييييييذة

والكل راح يسالك عنها

طبقي الطريقة وادعي لي


المقادير

4 كاس دقيق ابيض (الكويتي او الخاص بالمعجنات )

ملعقه صغيرة بيكنج باودر

نصف كاس زيت

علبة زبادي او كاس لبن والزبادي افضل

اقل من كاس ماء ذوبي فيه ( ملعقه كبيره سكر ـ ملعقة كبيره خميرة فورية ـ ملعقة صغيره ملح )


اخلطي الدقيق والبيكنج باودر واضيفي عليه الزبادي والماء والزيت


واعجني لين تكون العجينه ملسااااااااااااااء

إذا كانت قاسيه اضيفي ماء لين تكون العجينه لينه

ولو تعجنين بالآله يكون افضل

وغطيها لين تختمر لمدة ساعه اوساعة إلا ربع

(طريقتي لسرعه اختمار العجينه ..... اغطي العجينه ادخلها باللي عجنتها فيه داخل ما دااافي
بصحن او صينيه لها حواف او بلاستيكه كبيره شوي وانتبهي الماء يكون داااافي
تتحمله يدك إذا دخلتيها فيه و ما يكون حار لأن إذا خليتي الماء حار تنشف اطراف العجينه تاخذ تقريبا على
ما تختمر نصف ساعه او اقل )

واحشيها اللي تبغي وادهني الوجه بالبيض او حليب ودخليها فرن حااااار


( اذا تبغي العجينه للسينبون اضيفي ظرف دريم ويب )

وبالعافيه
اتمنى انكم ترفعونه للفائده لأني ما راح ادخل النت إلا نادر
ولاتنسوني من دعواتكم لأنه مجهود شخصي