مراحب حبيباتي .... حابه انزل صورة فطائر الجبنة .... توني مسويتهم ...
اتمنى تعجبكم ..
المقادير ...
كاس موية دافيه شوي .
ملعقة أكل خميرة فورية
فنجال سكر
فنجال حليب بودرة
فنجال زيت نباتي
ملعقة صغيرة بيكنج بودر
رشة ملح
كاسين طحين أبيض
الطريقة ...
تضعين بالكاس الخلاط (ماء + الخميرة + السكر + الحليب البودرة + البيكنج بودر )
تضربينهم بالخلاط ... وتتركينه يهدأ 3 دقائق .
ثم نضيف فنجال الزيت . ونضربة بالخلاط
اذا كانت عندك عجانة .. تصبي هالخليط في الوعاء و من ثم يضاف الطحين و تعجن .... او ان تعجن باليد ...
تكوني مجهزة الحشوة اياً كانت
انا حشيتها بجبنة بيضاء فيتا مخلوطة مع نعناع ناشف .
تمثليها كور ... ثم تبدأي تشكليها حسب ما تبين . و تصفيها بالصينية ..
بعد ما تخلصي من حشو العجينة .
تروحي تشغلي الفرن وتخليه يسخن جداً .... بهالوقت .. تخفقي بيضة و تدهنيها لى الفطاير و تدخليها الفرن .
خففي الحرارة وانتظري الفطاير من 7 دقايق إلى 12 دقيقة .. حتى تشمي ريحه الفطاير الطازجة ... ثم نشغل النار العلوية عليهم ونشقرها ...
وبالصحه والعافيه ..
