سهلا @shla
عضوة جديدة
فطاير الدجاج اللي ادمنتها انا وزوجي
السلام عليكم
شخباركم مع البرد
اليوم زوجي قام من النوم على وقت المغرب وقالي ماني مشتهي غداء خاطري بفطايرك الحلوه وكان عنده مشوار بيطلع قال يمديك تسوينها خلال ساعه
قلت يمديني ونص >> ليتني ماقلت خخخخخ
واروح عالمطبخ بسرررعه وابدا شغل واليكم الخطوات ..
مقادير العجينه:
كاس طحين
3 ملاعق زيت
ملعقه صغيره خميره
ملعقه صغيره سكر
ذرة ملح
ملعقه صغيره حليب بودره
ماء دافئ تقريبا نص كاس او اكثر شوي
وخليتها تتخمر وبديت اجهز الحشوه
طلعت صحن صدور دجاج وسلقته بماء وملح وحبة ماجي
حمست بصل مع جزر وفلفل رومي وحبة فلفل حار لان زوجي يحبها حاره
لما خلص الدجاج حطيته بفرامة البصل >> دز دز على قولة بعض الاخوات بالمنتدى ههههه والله صرت اسميها دز دز
واخذت الدجاج وحطيته على البصل ورشيت عليه ملح وفلفل اسود وشوية كمون
ثم حطيت عليه 2 ملعقه مايونيز عشان تصير طريه.
وهذي الحشوه:
ثم قطعت فلفل رومي وطماطم وبشرت جبن كرفت او المراعي شيدر عشان ابي انوع بالفطاير واسوي معها بيتزا
وخلطت الصوص عباره عن صلصة طماطم وكاتشب ورشة فلفل اسود واوريغانو وشوي ماء عشان تتجانس
وطلعت العجينه وبديت احشيها طبعا نسيت اصور خطوات فطاير الدجاج لان يديني مليانه عجينه
هنا الفطاير جاهزه وقبل لادخلها الفرن
وهذي لما جهزت يمي يمي
وهذا زووم للتعذيب :30:
وسلامتكم
ولاتنسون التقييم
136
38K
يلزم عليك تسجيل الدخول أولًا لكتابة تعليق.
امي عديلة روحي
•
يســــــــــــــــــــــــــــــلمووووو
الصفحة الأخيرة