فطاير الصاج اللذيذه بالصور

السلام عليكم
كيف حالكم يااحلى عضوات
اول طبق انزله بالصور
شفته بمنتدى ثاني وطبقته واكلت منه حتى التخمه
يعني اللي تسوي دايت ماينفع لها...

العجينه :


2 كوب طحين
2 م ك حليب بودره
ربع م ص خميره
م ك سكر
2 م ك زيت ذره او زيت زيتون
شوي ملح
3/4 كوب ماء


الطريقه /
نخلط كل المقادير سوا ماعدا الماء فالاخير نضيفه بالتدريج لحد ماتصير عندنا عجينه لينه


اذا لانت معك ادهني يدك بزيت واعجني كويس


بعد كذا كوريها كور قد البيضه وادهنيها زيت وغطيها عشر دقائق



نجهز الحشوات /


حشوة بيتزا : زيتون - فلفل بارد - بصل أخضر - صلصة البيتزا - جبنة تشيدر وموزاريلا


حشوة جبنة حلوم : زيتون اسود شرايح - طماطم مكعبات صغيره - جبن حلوم مشوي ومقطع شرايح


حشوة كيري : جبن كيري مهروس بشوكه - م ك زيت زيتون - نعناع مفروم - فلفل بارد مفروم -


حشوة اجبان : انواع الاجبان اللي عندك واضيفي لها فلفل ملون وحار مفروم


حشوة النقانق : نقانق مفرومه نقلبها مع بصل مفروم وفلفل بارد مع شوية زيت


بعد كذا نضيف لها مربعات جبنه لحد ماتسيح


بعد مانجهز حشوتنا نبدا نفرد الكور بعد ماندهنها بشوية زيت


نحطها عالصاج تيفال ونخلي الحراره اكثر من المتوسط بشوي الى حار
اذا تبينها تقرمش خليها على نار وسط لحد ماتشقر ..


اذا تحمرت نقلبها ونبدا نحشيها
ونغلقها واخير نقطعها ونشرب معها احلى كاس شاي بالنعناع
وعليكم بالف عافيه يارب
وسلامتكم