تفضلن حياكن خمس دقايق ويكون الشاهي جاهز ومعاة فطاير يحبها قلبكن
خمس دقايق وفطاير !!!؟؟؟:eek:
أيه وأنا أخيتس تعالي معي المطبخ أوريك شلون
ذوبي ملعقتين زبدة وبعدين أضيفي لها
بصل أخضر مفروم ( ممكن يستبدل بالثوم حسب الرغبة )
ولمن يذبل شوي شيليه من على النار وأضيفي ثلاث ملاعق جبن سايل + ملعقتين مايونيز
ورجعيها عالنار وحركيها شوي وطفي النار وبعد كذا أضيفي لها بقدونس مفروم تقريبا ملعقتين وقلبيها
كوني مجهز الصامولي وقطعيه شرايح مايلة زي كذا
ورصيه في صينية مدهونه زيت ووزعي الخلطة عالى وجه كل شريحة ودخلي الصنيه الفرن لين يتحمص شوي
وبالهنا والعااااافية
على فكرة هذي الطريقة أختها من كتاب أم عبدالعزيز ( أطباق النخبة )
عجبتني وحبيت أنقلها لكم
بس للأسف لسى ماشتريت الكتاب من قبل رمضان وأنا أدور عليه قهر مالقيته :(
