فطاير العدس ...جربتوها من قبل؟؟ لا... نصيحه جربوها...

حبايب قلبي هالوصفه اخذتها من مجله وجربتها حلوة وسهله..

* المقاديـــــــــــــــــــــــــــــــــر:
- نص كوب عدس اللي لونه برتقالي+ كوب ماي لسلق العدس
- نصف ملعقه ص زنجبيل طازج مبشور, ملح حسب الرغبه
- 3 كوب طحين
- زيت ذرة
- كزبره مفرومه- فلفل حار حسب الرغبه-فلفل بارد مفروم ناعم- بصل وطماطم ناعمين( الكميه حسب الرغبه)
- نصف ملعقه صغيره حبوب كمون


* الطريقـــــــــــــــــــــــــــــه:

- نضع العدس مع كوب الماي والزنجبيل والملح حتى يغلي ثم نخفف الماي لحد ماينشف الماي او لحد مايستوي العدس

- نسخن شوي زيت ونضيف حبوب الكمون والبصل لحد مايذبل والكزبره والفلفل والطماط ثم العدس ونقلبه شوي ونطفي النار






* العجينـــــــــــــــــــــــــــه:

- يخلط الطحين والملح مع 6 ملاعق طعام زيت ذرة ونعجن حتى تصير عجينه صلبه ونضيف الماي بالتدريج( من كوب الى نصف كوب حسب نوع الطحين) لحد ماتصير لزجه وشبه متماسكه .

- نحط زيت خفيف باليد ونقسمها الى من 12-15قطعه ونسويهم دواير ونحط العدس بالنص ونسكرها عدل على شكل كورة وبعدين نضغط عليهم خفيف نسوي سطحهم بس ننتبه مايطلع العدس

- نسخن زين ونقليهم لحد مايتحمرون ( مب تحرقونهم :16: ) ونحطهم على كلينكس نشاف للزيت وقدميهم ساخنين

وبالعااااااااااااااااااااااافيه :26: