هذا اول موضوع لي بهالمنتدى وان شاء الله يعجبكم
راح اقدم لكم فطاير الوردات
نبدا بالعجينه
3 اكواب دقيق ابيض + 2 ملعقه سكر+ 3 ملاعق حليب بودره
ملعقه خميره فوريه+ شوي ملح + ملعقه بيكنج بودر
نصف كوب زيت + كوب ماء دافي تعجن مع بعض وتترك على جنب لين تخمر
الحين نجهز الحشوه
بصل مقطع شرايح رقيقه شوي+ فلفل رومي ملون شرايح+ جزر مبشور +نقانق
مقطعه دوائر
نشوح البصل بشوي زيت لين يذبل ثم نضيف الفلفل والجزر ويحرك شوي
ثم نضيف النقانق وملح وفلفل اسود وشوي كمون وفلفل شطه مجروش تترك
شوي ع النار مع التحريك ثم ترفع من النار
اذا ارتاحت العجينه نفردها بالنشابه ونقطعها بقطاعه على شكل ورده مثل مو واضح بالصوره
نرص الوردات في قالب الكب كيك بدون مانضغط عليها بس تاخذ شكل القالب
ثم نحط الحشوه في وسط الوردات مثل مو واضح في الصوره
ثم تدخل الفرن لين تنضج ويحمر الوجه وتطلع بهالشكل
وهذا شكلها النهائي
ملاحظه: هنا ممكن تختاري اي حشوه تعجبك
{لحمه مفرومه+ دجاج بالخضار مع جبن سايل+ لبنه وزعتر}
وممكن تقلبيها حلا وتحشى بجبن كيري مع إضافه الوان طعام وبيطلع شكلها يهبل
وتسقى بالشيره او العسل او ترش بسكر بودره وتقدم مع القهوة
وعوافي على قلوبكم