مساكم /صباحكم سعيد
كل يوم وانا ادخل ع المنتدى الاكثر من رائع واخذمنه اكثر وصفاتكم والله العظيم اني اسويها وتطلع شي خيال
وكل اكله اسويها ماشاء الله الكل تعجبة وثاني يوم يتصلوا وياخذوا طريقتها
فلتسلم يدكل واحدة دخلت ووضعت وصفتها وبلذات بالصور لان بصراحة الصوره هي اللي تشجعني اني اسويها
وتسلم يد كل وحدة شجعت ووضعت رد يشرح الخاطر بجد الله يسعدكم جميعا"ويعطيكم الف عافيه
اليوم دخلت مطبخي المتواضع واشتهيت اسوي عيش باللحم بس بطريقتي وان شاالله يعجبكم
هذي المقادير والطريقة:
4أكواب دقيق+1ونص ماءدافي+3م كحليب بودره+1ونص م ك خميرة+1فنجان سكر+ربع كوب زيت+ملح+نص علبه زبادي
تعجن المقادير وتترك تخمر
الحشوه:
لحمه مفرومه+بصل مفروم+ثوم ناعم+ملح +فلفل اسود+كمون مطحون+قليل من ملح الليمون+كزبره مفرومة+كراث مفروم +طحينة
يشوح البصل مع قليل من الزيت حتى يذبل تضاف اليه اللحمه والبهارات وتقلبيها بعد ان تستوي تطفي النار ولين تبرد شوي تحطي عليها الكزبره والكراث
بعد كذا تسوي الطحينه تخففيها بشوي من المويه وتحطي عليها خل اسود وملح وتحطيها ع اللحمه
تفردي العجينه وتقصيها دوائر بالكاسه وتحطيها في الصينيهوتحطي فوقها الحشوه وهكذا لين ينتهي المقدار وممكن تحطي الحشوه في الوسط وتقفلي العجينه من الجوانب ويسير من الوسط مفتحه
تدخليها الفرن من تحت ومن فوق حتى تحمر وتقدميها بالف صحة وعافيه
وهذا شكلها وعليكم بالف عافيه
اتمنى يعجبكم موضوعي ولا تحرمني من دعواتكم
ادعولي ان الله يسهل اموري لاني انخطبت ومستنياربنا يسهل اموري عشان موعد الملكةوالله يرزق كل وحده بواحد يخاف الله
اتمنى من اللي تقدر تكبر الصورة تسويها لاني اول مره انزلها فجات صغيرة
لاتنسوني من التقيم