شخباركم يابنــــــ ـــات ان شاء الله بخير
رجعت لكم اليوم ومعاي احلى فطاير من مطبخي والطعم جربوها وتعرفون
فطاير مثل الجاهزة وأحسن وقولوا الشيف حجر الصوان ماقالت
المقادير :
3 اكواب طحين ابيض
م ك خميرة فورية
3 م سكر
رشة ملح
بيالة زيت
كاس وربع ماء دافئ
الحشوة :
اللي تحبين انا سويت
زعتر بالخضار ( زيتون وطماط )
جبن تشيدر وكرافت مخلوطين مع بعض
بيتزا ( صوص البيتزا + زيتون + جبن )
الطريقة :
1- نخلط المقادير الجافة مع بعض بعد كذا تصبين عليها المواد السايلة وتعجنينها بالعجانة لحد ماتتجانس العجينة مع بعض .
2- نغطي العجينة لمدة ربع ساعة او لحد ماتتخمر .
3- نكور العجينة لكور ونبدا نرق كل وحده ونحطهم في صينية ونخليهم يتخمرون مره ثانية عشر دقايق .
4- نجهز الصاج ونحط العجينة عليه ونحط فوقها الحشوة ولما تستوي وتتحمر نصفطها ونشيلها .
( اذا تحبين الفطاير محمرة من داخل وبرا اول شي حطي العجينة وخليها تتحمر شوي بعدين قلبيها وحطي بوسطها الحشوة على الجهة اللي تحمرت واذا استوت الجهة الثانية صفطيها وشيليها ) .
5- ضروري تغطين الفطاير بعد ماتشيلينها من الصاج عشان تحتفظ بالحرارة وماتصير يابسة لوقت التقديم .
وهذا الشكل النهائي بعد ماقطعتها
وهذي من قريب بكل الحشوات
اذا عجبتكم لاتبخلون علي بردودكم الحلوة ياحلوين
بالعافية ان شاء الله
لالالا أبي منها الحين في هذه اللحظه ابي أذوقها مالي شغل ..
تسلم ايدينج يالغلااا ..
مبددددددددعه دائما مشاء الله عليك