اليوم بخبركم عن طريقة وايد تعيبني بالنسبة لفطاير السبانخ..
سويتها كم مرة وكل مرة أنسى أصورها بس هالمرة ذكرت ومشى الحال..
شوفوا أنا مابمدحها وايد بس عن جد لذيذة والعجينة خفييييييييفة وايد.. جربوها مابتندمون
المقادير:
للعجينة:
3 أكواب طحين
رشة ملح
ملعقة صغيرة خميرة
¾ كوب زيت
كوب ماء
للحشوة:
كيس سبانخ مثلج
4 ملاعق كبيرة بصل مفروم ناعم
4 ملاعق كبيرة صنوبر
ملعقتين كبار سماق
كوب عصير ليمون
½ كوب زيت الزيتون
الطريقة:
العجينة:
نخلط الجميع بالترتيب المكتوب.. ثم نتركها نص ساعة لتختمر.. ونغطيها بفوطة مبللة حتى لاينشف سطحها..
الحشوة:
نخلط جميع المقادير مع بعض ونتركهم شوي ثم نعصر الخليط من ماؤه.. عصر عادي مب بالقوة..عشان مايطلع بالعجين بعدين..
طريقة التحضير:
1- نفرد العجينة بدون استخدام طحين أو زيت.. نقطعها دواي.. ثم من الخلطة نضع القليل على كل وحدة ونسكرها مثلثات..
2- أنا أسويهم صغار يعني أصغر من اللي بالسوق… وبهالعجينة أسوي تقريبا خمسين حبة.. عاد انتوا وذوقكم..
3- نخبزهم من تحت تقريبا 12 الى 15 دقيقة ومن فوق بس تحمر الفطاير.. وقدميهم.. أممممممممممممممم