هلا أختي sopretty ومشكورة الغالية عالرد.. وبانتظار التجربة

مرحبا بالغالية عيون الأفئدة.. الله يسلمج وبانتظار تجربتج..



بنات أشوفكم كلكم تقولون بنجربها وماشفت أي رد.. عالعموم اللي خايفة تجازف بالسبانخ سووها بالجبن.. أي جبن مع بقدونس أو نعناع أو أي شي.. وخلوها رقيقة.. وعالوجه امسحوها بالبيض المخلوط بحليب ريمبو.. ورشوها بالسمسم وبالفرن.. تطلع واااااااااااااااايد لذيذة والله عن جد العجينة رووووووعة ولاحظوا انا مافيها أي خرابيط الا المواد الأساسية.. وتطلع خفيفة..

والله لا تزعلين نفسك بس لو تقرين الصفحه الثالثه زين بتحصلين وحده مسويتنها ومحد عبرها بس شو تقلين الكبر شين لازملج نظاره ( أقصد طبعا كبر السن لأنه أبد العسل ما يتكبر):24:
وأنا سويتها جبن بزيتون واللي ما مسحت عليهم بالبيض كانو ألين وأحلى:27:

لا والله يالدلوعه.. مب زعلانه ولا شي.. بس أقول بعد يمكن حد جربها وماعيبته وترى الناس أذواق بس قلت بالنهاية اللي بيجربها يجربها بالجبن.. والله أنا بالنسبة لي أخف عجينة سويتها لين ألحين عشان مافيها أصلا خميرة وايد.. ولاتصدقين اني كبيرة وايد تراني بعدني بنت 15 يعني أصغر عنج هههههههههههه
تدرين اني مافتكرت ببعض الردود.. مادري متى ردوا.. والا أنا مانتبهت الهم.. عالعموم ألف شكر للخوات الغاليات..


الشهد.. بانتظارج يالغالية وانشاله بتعيبج

حصووص.. مشكورة الغالية عالرد.. وانتي اللي تجنين الصراحة

أم بدر.. يامرحبا فيج ومشكورة الغالية عالرد.. ومثل ماقلتي بانتظار معجنات بيان الطيبة..

روز.. بالنسبة للطحين أستخدم العادي اللي يكون لجميع الاستعمالات وللكيك.. اسمحيلي أكيد تأخرت عليج بالرد بس أنا أغلب الأوقات أسويه الصبح وأخليه لين في الليل بس من أطلعه من الفرن أخليه يبرد شوي.. وأحطيه بالبايركس وأقصدره.. وبالليل حتى مايحتاج للتسخين.. اذا بقيتي سويه عادي بالليل وبنفس طريقتي انشالله بيتم طري للصبح.. بس خليه بمكان بارد مب حار..
وخبريني بالنتيجة.. واسمحيلي مرة ثانية عالرد المتأخر..

الواسطية.. كلج ذوق الغالية عالرد وبانتظار النتيجة..

صبا.. مشكورة عالرد والله يعطيج العافية

أم باسل.. انشالله بتضبط عندج والمثلث عادي سهل مايبقيله شي.. أول شي قطعي العجين مثلثات.. وبعدين حطي الحشوة بالنص.. وشليها بايدج.. بعدين حاولي تثنين أطراف العجين من ثلاث جهات بس للداخل.. وسكري كل طرف بالثاني.. وبس.. جربيها انشالله بتضبط وياج.. وبالتكرار بتصيرين شاطرة فيهم

مرحبا بأحلى دلوعة.. الحمدلله انهم عجبوج والحمدلله انج نبهتيني على الصفحة الثالثة والله مادري كيف ضاعوا مني هالردود.. عالعموم مافرقت كم فطيرة المهم انهم صغار وحلوين.. وترى كل ماصغرتي كل ماكان الشغل أكثر يعني بقياسي أنا أحسبهم وايد أوكي.. والله يعطيج العافية

شكورة اختي المسافرة على الفطاير امس سويتها على العشاء
طلعت قمة بس معرفت اخلي العجينة مثلك رقيقة مرة