كيفكم يا حلوات ؟؟؟
اليوم جايبه لكم فطاير عالصاج وربي أي أحد يأكلها بقولك تسلم يدينك ..
المقادير :
3 كأسات دقيق
نصف بيالة سكر
نصف بيالة زيت
نصف بيالة حليب بودرة
ذرة ملح
ملعقة كبيرة خميرة
كأس ونصف ماء دافي
الحشوة :
دجاج على طريقة الشورما
أو نقانق مقلية مقطعة حلقات
أو طماطم حق البيتزا
وتجهزين مع الحشوة زيتون وفطر وجبن موزريلا أو حلوم أو بارميزان ( بالنسبة لي أخلط نوعين أو ثلاثة ) >>>>> مشفوحة جبن
الطريقة :
تعجن المقادير السابقة لحد ما تتكون عندك عجيبنة طرية ..
تغطينها لمدة ساعة ..
بعدين تكورينها كور صغيرة على قد الفنجان تبع القهوة ..
وبعد ما تخلصينها تبدين تفردين كل كورة لحد ما يكون سمكها تقريباً زي الخبز المفرود
وبعدين تكونين مولعة عالصاج حق المراصيع وتحطين كل قرص وتقلبينه لحد ما يتحمر بس شوي يعني يبدأ يطلع فيه بقع ذهبية
بعدين تكونين مجهزة الحشوة تحطين الدجاج أو النقانق أو الطماطم ( أنا حطيت حشوة بيتزا لأني كنت مسوية لفائف التوست بالدجاج )
تدهنين الخبز بالحشوة
وتحطين فوقه الزيتون وبعدين الجبنة ( تكثرين الجبنة )
بعدين تصفطينها ( تطبقينها ) على بعضها وترجعينها شوي عالصاج حد بس ما تذوب الجبنة
وبعدين كلوها بالعافية
والله مرررررررررررررره ختييييييييييييييييييييرة :32:
والكل بيسألك عنها
نسيت أقولكم إني سويت بالخبز هذا
شورما .. وتورتيلا
جربوها
بس كيف الحجم الصغير أنفرد معك كذا
يعني أكيد أستخدمتي دقيق للفرد علشان ماتلصق
يعني عادي مع الصاج يكون في العجينه دقيق طالع ؟
ربي يعطيك العافيه