أم ريما
على كتاب الطبخ اللي من تألفيها
الله يوفقها ويستر عليها يارب والله استفدت منة كثيييير الله يحرم
يدينها على النار ويرزقها من حيث لاتحتسب
بجد نفعتني فية وانا والله الذي لااله الا هو مالي اي مصلحة
ولا بيني وبينها اي علاقة حتى امدح بكتابها
بس انسانة استفدت منها
وحبيت اشكرها وان شاء الله تكون عضوة معانا بالمنتدى او تطلع على موضوعي
وتشوف كيف افادت البنات بكتابها سويت منة اشياء كثير وخواتي بعد
طبخوا منة طبخات لذيذة
عاد
اليوم سويت منة هاذي الفطاير تجننننننننننننن
وواضح من شكلها بالصورة انها طرية وتذوب بالفم
طبعا العجينة عجينة الربع ساعه
والفلفل تجيبن الفلفل القرون(بارد مو حار)
وتشقينة بالطول من جهه وحدة وتقلينه شوي بالزيت تطلعية من الزيت وتحشينة جبنة سايلة
وخوذي جزء من العجينة وافرديها بالنشابة وقطعيها بالطول وخوذي قطعه
ولفيها على الفلفل مثل الاقماع بالضبط تبدين من راسه الى الاسفل
وادهني الوجة بالبيض وتدخل الفرن وياسلالالالام على الريحة والطعم
حبيت اقولكم اشتريت كميرا سوني وهذا تصويرها طفشت من تصوير جوالي
انزل مواضيع واحس تصويرة يقهر بس هذي ماشاء الله جناااان تصويرها<<<<فرحانة الضعيفة بالكاميرا هههههه
لحقت اعدل الموضوع واكتب مقادير العجينة
لان كنت اتوقع انها معروفة واكيد موجودة بالمنتدى بس لخاطركم هذي المقادير
وخلااااص الحمد لله صارت هي عجينتي المفضلة بعد معاناة بضبط الفطاير
2كأس دقيق (يفضل الكويتي او الحميضي) كذا كاتبة بالكتاب + 2كأس ماء دافي
ملعقة صغيرة ملح + فنجال قهوة سكر غير مطحون خشن
ملعقة كبيرة خميرة + ملعقة صغيرة بكنج بودر + 3ملاعق حليب بودرة
هذي تخلط بالخلاط الكاس جميعها راح تكون سايلة زي خليط الكيك
وتخلينها تتخمر لمدة ربع ساعة أذا تضاعف حجمها
معناة ان الخميرة تمام وان العجينة راح تضبط معاكي
انا بصراحة ماانتظر ربع ساعة يعني اخلي الخليط شوي
بعدها اضيفي علية كوبين ونص دقيق ونص كاسة زيت
واعجني العجينة وارفعيها واخبطيها بقوة بيدك علشان تتنفش وتصير مثل اللي بالصورة
واستمري كذا لمدة خمس دقايق وبعدها غلفيها واتركيها تتخمر
لمدة نص ساعة وشوفي كيف راح تطلع برى العلبة اللي خمرتيها فيها تتنفش بسرعه ماشاء الله
