حياكم الله حبيباتي .. انا من زمان ادور على عجينة لينة وتنفع لجميع الفطاير والبيتزا وتناسب جميع الحشوات ..
اتمنى تعجبكم .. وهذه اول مرة اكتب بهالقسم واتمنى ماتكون الأخيرة ...
خذي الخلاط الخاص بالعجين .. انا الخلاط الي استخدمته براون ..
ضعي فيه هذه المقادير :
1 بيض
املعة وسط خميرة
ملعقة صغيرة فانيلا
فنجان قهوة ( الحجم الوسط ) سكر ناعم
ملعقة صغيرة ملح
2 فنجان قهوة حليب بودر
نص كوب زيت زيتون إن وجد أو بيالة شاهي زيت عادي بس الافضل زيت زيتون
ثم تخلط المقادير لمدة 4 دقائق تقريبا وترى الخلط هذا يساعد على ان العجينة تتخمر بسرعة
ثم ضعي 2 كوب دقيق
2 كوب موية دافي
ضعي بعض الدقيق عند الحاجة بالتدريج حتى تحصلي على عجينة
لينة ... وتترك حتى تخمر ...
طبعا انا راح من بالي اصورها لكم ماتذكرت الا لما تخمرت فصورتها وهي بهالشكل ..
ثم تشكل على شكل كرات وسط بالحجم الي يعجبك .. مثل الصورة ..
ثم تفرد بكوب الجبن ..
وتحشى بالحشوة الي تبغين انا حشيتها بلحمة مفرومة محموسة ببصل وجاهزة
الفوتوشوب لعب فيها خخخخخخخخخخخخ
ثم صفيتها بصحن الفرن
ودهنتها بصفار البيض مع ذرة فانيليا عشان ريحة البيض وبعدين زينت الوجه بسمسم او حبة سوداء
ودخلتها الفرن وأول ماتطلع حطيها بالحافظة حتى تكتمي الحرارة وتكتسب ليونة غير طبيعية ..
كما في الصورة ...
طبعا انا خليتها عشان تلين ورحت اصلي ورجعت عشان اصورها لكم بالصحن وماشاء الله جيت مالقيت شيء يالله لحقت انا على كم حبة اكلتها ... اتمنى تعجبكم وأي سؤال انا حاضرة ..
وانتظروا جديدي ..بإذن الله
لا تنسون تدعولي بالزوج الصالح ... والنجاح الي يرفع الراس:(