طبعاً الصورة من رمضان لا تعلقون ع الكلام😂( الادوات المستخدمة في الوصفة كاملة)
كوب البلاستيك الابيض (حق استخدام مرة وحدة) و الملعقة الكبيرة
العجينة👇🏻
✨4كوب دقيق
✨1,5كوب حليب جاف(واحد و نص بس مدري كيف تنكتب)😂
✨4/3كوب زيت
✨1/2 كوب سكر
✨ملعقتين خميرة (اذا ان الخميرة مطولة يعني لها اكثر من سنة ، و اذا جديدة ف ملعقة)
✨نص ملعقة بيكنج باودر
✨نص ملعقة ملح
✨تُعجن المواد الجافة ب الزيت اولاً لبينما تصير نثرية
✨ثم تعجن ب ماء دافي جداً لبينما نوصل للقوام المطلوب
✨و اهم شغلة ما ننسى العجن الطويل و التلتيت(التخبيط)>>للي ماعندهم عجانة
✨تتغلف العجينة ب نايلون (سلوفان) ساعة و بعدها نبدا نشتغل فيها
الحشوة بسيطة و لذيذة👌🏻👌🏻👌🏻
لبينما ترتاح العجينة سوي الدجاج 👇🏻
✨صدر دجاج (واحد يكفي) اسلقيه و اذا استوا حطيه ب فرامة البصل و افرميه فرم خشن او الفرم اللي تبينه بس افضل شيء خشن او نتشيه ب الشوكة عادي اللي تبين ( و احتفظي ب مرقة الدجاج )
ب الطاوة على نار متوسطة👇🏻
✨بيالة زيت للتشويح
✨2 بصلة جوانح
✨نص حبة فلفل رومي
✨اذا بدا البصل يميل للون الذهبي نضيف 3 جزر مبشور
✨نخفض النار و نغطي عليها و نتركها ربع ساعة
✨نضيف الدجاج و نقلبهم زين
✨ناخذ 4/3 كوب من مرقة الدجاج و نضيف لها مكعب ماجي و ملعقة بهارات مشكلة و نص ملعقة فلفل اسود و الملح حسب الرغبة نحركهم زين و نصبهم ع الحشوة و نتركها تتسبك زين لبينما تنشف
..
✨اذا بردت الحشوة و اختمرت العجينة ابدي احشي ب الشكل اللي تبين و دخليها الفرن و النار من تحت مخفضة
و التحمير من فوق على حسب رغبتك
لا تنسين ضبطي شاي محبق معها ولا منعنع ويا سلاااام حلاتها ب العصرية بعد👌🏻👌🏻✨
