السلام عليــــــــــــكم ورحمة اللــــــــــه وبركاته
بدون مااطول عليكم اخواتي وبلا مقدمات بتني تعبااااانه مره وانا تعبت معاها وخايفه عليها
قبل اسبوع صحيت الفجر لقيتها مسخنه وحرارتها مرتفعه وصلت 39 واعطيتها تحاميل وكمادات وفيفادول وكل ماسخنت سويت نفس الشي ورحت المستشفا واعطاني الدكتور مضاد اسمه سيكلور لونه وردي مشيت عليه بانتظام لمدة خمس ايام وخامس يوم البنت صحيت حلقها مقفل ماتبلع شي وبس مسخنه وتعبانه رحنا نفس الدكتور قال عادي الالتهاب خف 80 % وطلعنا من عنده وماارتحت هذاك اليوم كانت مره تعبانه ماترضع ولا تاكل شي بس مويه وماتكثر فيها البنت تغير شكلها وصارت هزيله تحت عيونها سود وديتها اليوم الثاني مستشفا ثاني عند دكتور افضل من الاول وصرف لي مضاد ثاني واعطاها ابرة مضاد وقال بكره تجون علشان الابره الثانيه وبعدها بتخف ان شاء الله المهم البنت ماتقبلت العلاج ولا تشربه بس ترجع منه وفمها امتلى فطريات ومتجرح بس رافعه لسانها ماتبلع حتى ريقها تجمعه وتنزله رحنا لنفس الدكتور قال عندها فطريات مناعتها ضعفت وكتب لنا مغذيه وفيها ابره مضاد ثالثه يقول بتصير طيبه بكره الي هو يوم الجمعه واليوم الجمعه جا وبنتي على حالها مررره تعبانه ماتاكل ولا تشرب وخايفه عليها ماتمشي كثير وشكلها تعبانه ومرهقه وبس تجمع ريقها واتقدر تبلعه قالو جربي الطحينه وجربتها وجربت عصار اسمه دكتارين وللحين ماتحسنت عذبتني وانا في اخر الثامن تعبت معاها ساااااااااعدوني اذا عندكم حل او مريتو بتجربه زيها الله يحفض اولادكم وبناتكم انا ابكي من خوفي عليها والله يخليكم دعواااااااااتكم لها بالشفاء العااااجل واللي تعرف شي عن الطحينه وفايدتها في موضوع الفطريات تنصحني ماادري شسوي ؟؟؟؟؟؟:44:
العســـ زي ــــل @alaas_zy_l
عضوة نشيطة
يلزم عليك تسجيل الدخول أولًا لكتابة تعليق.
الجوهره لمى
•
عااادي ياختي ان شاء الله بنت اختي مثل بنتك الله يحفظها سوتلها تنويم في المستشفي اسبوع هي طلبت من الدكتور لان محتاجه عنايه للمراقبه افضل وعطيها سكر نبات اذا تعرفينه ماتشوف شر ان شاء الله
طموحة222 :
ياحياتي والله ماعندي فكرة بس حبيت ادعيلها من قلبي يارب ياكريم تشافيها وتعافيهاياحياتي والله ماعندي فكرة بس حبيت ادعيلها من قلبي يارب ياكريم تشافيها وتعافيها
ممكن تعطينها سكر نبات او تروحين للصيدلية فيه مطهر للفم بالريشة يعقم فمها
الصفحة الأخيرة