فطريات المهبل ارجو المساعده

السلام عليكم


جاني التهاب بعد ثلاث شهور من زواجي ورحت للدكتوره وعطتني مضاد حيوي وكا الالتهاب مصاحب معه حكه


وجفاف واحمرار في المنطقه وعطتني للحكه مرهم جلست ثلاث ايام مع المضاد وبدل ماتتحسن حالتي صارت أسوأ


الالتهاب زاد وجتني معاه فطريات تراكمت بشكل ملحوظ على المهبل غيرت الدكتوره ورحت لدكتوره ثانيه قالت هذا بسبب المضاد الحيوي المفروض تعطيك معاه مضاد للفطريات فعطتني هذي الدكتوره مضاد للفطريات نوعاً ما


تحسنت حالتي ولكن لايزال فيه فطريات ماراحت كلها جلست فتره على مضاد الفطريات قلت يمكن تتسهل اموري وتروح هالفطريات نهائياً ولكن ماراحت للأسف بل تحسنت عن أول


رجعت وغيرت الدكتوره ورحت لدكتوره ثانيه وعطتني مرهم مضاد للفطريات كنت اذا حطيته يحرقني المكان مره وتعبت لدرجه كرهت كل شي وكل يوم ابكي خاصة واني رافضه احط التحاميل مقدر احطها ولكن الحمدلله مع المرهم انتهت مشكلة الفطريات ولكن بعد ماتعافيت


صار جماع وبعد الجماع لاحظت انه تجيني حكه يوم ثاني وبعدها صرت اشوف بداية فطريات طنشت اول مره وصرت استخدم المرهم اللي عطته لي الدكتوره الثالثه والحمدلله مشت الامور وتعافيت


جيت بعدها كم مره مع زوجي ويصير جماع وترجع لي الفطريات اخر شي قالت لي الدكتوره يمكن زوجك هو اللي فيه التهاب ونقله لك ورحت قلت له وحسيته تضايق مره وقال انا الحمدلله مافيني شي والالتهاب دام فيك انتي عالجيه


في اليوم الثاني جاني وقال انا امس رحت وسويت تحليل واليوم اخذت النتيجه وقالولي مافيني شي


طيب اذا هو مافيه شي ليه ترجعلي الفطريات والحكه مباشرةً يوم ثاني بعد الجماع


اللي عندها حل تقولي الان صار ينزل معي افرازات بس هذي لونها اخضر والمكان يحرقني مدري وش اسوي
واذا استخدمت الغسول تجف عندي المنطقه وتصير توجعني اكثر من الجفاف اتمنى تساعدوني بردودكم
شكراً للجميع