فطريات بالفم عند اطفالى اول اسبوعين ولاده والسبب 😪

السلام عليكم ورحمه الله وبركاته ....
بدخل على الموضوع على طول
انا عند ثلاثه اطفال طبعا اول ولاده ماكنت عارفه كيف الرضاعه الطبيعيه وكيف اتصرف ولا عندى احد يوجهنى ولا كنت افهم بالنت وتركت ولدى مارضعته اولا لجهلى وثانيا لانه كان يرفض احطه بحضنى كنت تضايق من تصرفه واحس انى مانيب امه
المهم
حملت مره ثانيه وجبت بنتى طبعا بعد تعب وجهد جهيد رضعتها كم اسبوع اول اسبوع تمام ترضع زين ولحظت لسانها كله ابيض وجهها متنفخ احمر
وشوى شوى صارت ترفض ترضع منى وحتى الصناعى ابد تصيح اذا اخذت الرضعه بالغصب لين تشرب وعرضتها على طبيب اطفال قال هذى فطريات مع الرضاعه الطبيعيه حاولى تهتمى بحلمه الصدر وصرف لى كريمات ومع العلم انى اذا رضعت تتشقق الحلمه دم وكانت تالمنى ويتحجر صدرى والحلمه عندى صغيره تالم بس اتحمل عشان خاطر ترضع رضاعه طبيعيه فما تحملت اشوف بنتى بكذا وقفت الرضاعه وصرت اشفط لها وبرضو مسمره الفطريات مده شهر كامل وقررت انى اوقف لانى تعبت من الشفط وهى تعبت من الفطريات وخفت عليها
والحمدلله راحت بعد هالمعانه
وحملت وجبت ولدى الثالث وبرضو كنت فرحانه لانى صرت ارضعه من اول دقيقه جابوه لى ومستانسه منه ولما كنت بالمستشفى كانو مايجيبون لى الحليب الصناعى ابد لانى ارضع فما يحتاج صناعى وبرضو لاحظت تنفخ وجه ولدى وبدا لسانه تطلع فيه فطريات سالت الدكتور الاطفال قبل مانطلع عن حالتنا قال انتى حاولى تهتمين بالحلمه اغسليها وحطى كريمات ولما ترضعين اغسليها وانا مستمره اهتمام بررررضو مازالت المشكله طلعت وتنفخ وجهه وماعاد يقدر يشرب الحليب الصناعى البزاز حقها يوجعه وكنت مستمره يمكن شهرين مع هالمعاناه بس عشان خاطر الرضاعه الطبيعيه وتعبت وانا اشفط له ومره مباشره من الصدر لين قلت وقرررت خلاص بوقف المهم طولت عليكم
انا الان حامل بالشهر الاخير يعنى باقي ثلاث اسابيع والولد بعمليه فخايفه اكرر التجربه واتعب معهم وهم يتعبون معى ايش تنصحونى خواتى
ومرات اقول من البدايه بجيب شفاط كهربائي مريح او يدوى ولا راح اخلى طفلى يلمس الحلمه يمكن فيها مشاكل او الحليب فيه مشاكل فقلت اترك الرضاعه من اولها واعطيه صناعى
خواتى انا محتاره وزوجى يقول ايه هذا عذر عشان ماتبين ترضعين مو عارف قد ايش اتعذب لما يصير لى كذا والله ابكى من الالم والقهر لما اشوفه يصيح مايقدر يشرب
وسلامتكم طولت عليكم