دوبي عملت فطاير بالدجااج مراا يميي وعنجد مرا لزيييييزة تنفع للعشا ****لله تعجبكم ...
مقادير الحشوة :
صدور دجاج
حليب
قشطة
بصلة مقطعة مكعبات
فص توم
فلفل اسود وملح
لون اصفر ( انا ماكان عندي فحطيت كركم)
البهارات اللي انتي حابتها
العجينة :
اخدت طريقتها من هنا في المنتدى ( 2 كوب دقيق + 3 ملاعق حليب بودرة + ملعقة سكر + رشة ملح + ملعقة خميرة + موية على حسب احتياجك )
انا خليتها تتخمر نص ساعة
الطريقة ....
حطي الحليب في قدر وحطي جوتو الدجاج يعني خلي الدجاج يتسلق في الحليب اللين يتشرب كل الحليب ويسير لييين
بعد مايستوي الدجاج فتفتيه بالشوكة ....
في قدر تاني ... شوحي البصل والتوم على النار واضيفي الدجاج والبهارات
واضيفي القشطة
خلصنا من الحشوة ....
دحين نعمل الفطيرة بالطريقة المعتادة
نعمل العجينة دوائر ونفردها ونحطها على الصاج ...
ونحط الحشوة جوت الفطائر
الشكل النهائي
منجد واللهي انها لزيييييزة بشكل مو طبيعي :35:
بالعاااافيه:39:
بالعافيه عليكم