HTOOON1
HTOOON1
صباح ومساء وينك يا قلبي ؟؟؟؟؟؟
عسى المانع خير
ابشرك فطمــــــــــــــــــــــت بنتي
والفضل لله ثم لموضوعك يا عيوني

واليوم خامس اليوم ...
بس تصدقين في البداية ماعانيت معها كثير صح تبكي وماتنام
بس من البارح وهي محسرتني شوفيني الان الساعة 8 الصبح مانمت من الليل الا ساعتين
تبكي وتطلبه بشده !!!!!!!
خصوصا ان الزكام تجدد عليها من جديد وهي توها مريضة من اسبوع بس ...
والله اني كل شوي احس اني ودي اضعف ...وارجعه لها
خصوصا انها رافضه الاكل ..
اكلها ضعيف مرة
واشتريت الاكواب اللي قلتي ورفضتها
والحليب مثل ولدك ماتبيه ابدا
حتى النكهات كانت تموت فيه بس من فطمتها وهي ترفضه بس ابحاول اشتري لها من شركات ثانية والله يعين ...
بس الى اكلها ضعيف وشهيتها ضعيفه ..

برايك هل اجوعها واحرمها من الاكل فترة والا كيف

لان طريقتي خصصت الطاولة اللي بالمجلس لها احط عليها فاكهة وزبادي وعصير وحليب
ابغاها تاكل من نفسها وتلقينها تاخذ منهن لقافه نذوق وتلفظ وع هالحالة ...

والله تعبت تعبت وضميري مأنبني خصوصا انها مريضة !!

عموما اكرر شكري وتقديري لك يا قلبي
اختك هتون
ذكريات الأمس
ذكريات الأمس
المسأله تبي شوي صبر
انا ولدي عمره 3 سنوات تعبني يوم فطمته عن الرضاعه
أخذ أسبوع وهو تقريباً ما يشرب حليب نهائياً ولا ياكل زين
لأني كنت حاطته له بالكاس ...بس بعدين سلم أمره لله وشربه
وترى الرضاعه هي اللي تخلي الطفل ما ياكل
ألحين نظام ولدي يصحى الصبح ياخذ كاسة حليب وبعدين ياكل وجبات معنا بقية اليوم
وبالليل قبل ينام ياخذ كاسة حليب ثانية
اذا قدرتي تخلينه يشرب حليب أفضل لأنه بمرحلة نمو ...والحليب مهم لعظامه واسنانه
^_^ ريماز ^_^
^_^ ريماز ^_^
موضوعك جاء على الجرح اختي

ومشكورررره على نصايحك وكنك تتكلمين عن ولدي بس رضاعه ما ياكل ولا شي

والاستفراغ هلكني فيه

وهو عمره سنيتين و8 شهور


وببدأ اطبق اللي قلتيلنا عليه الله يجزاك الجنه يااارب


وياليت تعلميني عن الدكتوره اللي تقولين اذا ممكن واكون شاكره لك
صباح ومسا
صباح ومسا
صباح ومساء وينك يا قلبي ؟؟؟؟؟؟ عسى المانع خير ابشرك فطمــــــــــــــــــــــت بنتي والفضل لله...
اهلين يالغاليه واعذريني على التاخير لاني والله كنت عند اهلي زياره وماعندهم نت المهم انتي ايش اخبارك والله العطيم فرحتيني حيييييييييييييييييييييييل بردك وبانك فطمتي بنتك ويارب تكملين وتتشجعين والله يفتح نفسها على الاكل ويحفظها لك وسلامتها الف سلامه وماتشوف شر وترى انا ولدي لما فطمته كان مريض ولقيتها فرصه عشاني سهرانه في كل الاحوال عشان كذا انصحك تكملين وترمين الرضاعه عشان ماتضعفين وتذكري كل مره تضعفين فيها ان الرضاعه مضره لها ووالله هذا كلام الدكتوره قالت حتى الحليب بهالسن ماينفع مثل الاكل وكثرته مضره وطريقتك بالطاوله حلوه حتى انا شريت له صحن حافظه بلاستيك مقسمه وفي غطاها جزء تشيلينه وتحطينه بالفريزر عشان يبرد بعدين تركبينه داخل الغطا وتعطين الحافظه وتحطين فيه الفواكه والخضار مثل الخيار وتسكرينها وتجلس بارده ساعات بدون ماتخرب ومتى ماجاع يجي ياكل منها حتى لو رمى الاكل مصيره يرجع يطلب بنفسه وياكل وصدقيني مافي اعند من ولدي بالاكل بس لاتقولين لبنتك تعالي كلي خليها هي اذا جاعت تطلب ولا تخلينها بدون اكل وشرب لا خلي الاكل قدامها وكل شوي شربيها ماء او صبيلها لبن او عصير وانا بالبدايه كثرت لولدي اللبن عشان يعوضه عن الحليب .. حبيبتي انا الدكتوره لما عرفت ان ولدي ماياكل وبس يشرب حليب قالت الحليب في هالمرحله مايفيده قد الاكل واعطتني فيتامين وفاتح شهيه بنفس الوقت وهو ممتاز وكثير مجربينه ويفتح شهية الاطفال اللي مثل بنتك وولدي وانصحك فيه اسمه (ميناديكس ) ولازم تخلصين العلبه كامله وناسيه كم مل بس يمكن 5 مل مرتين باليوم .. اسالي الصيدلي.. وهذي صورته ..

ويااااااااااااااااااااااااااااااااااااااااااارب يفيدك ويهنيك ببنتك واعذريني عالتاخير مره ثانيه ولاتنسين تطمنيني:26:
صباح ومسا
صباح ومسا
موضوعك جاء على الجرح اختي ومشكورررره على نصايحك وكنك تتكلمين عن ولدي بس رضاعه ما ياكل ولا شي...
هلا بالغاليه والف شكر على مرورك .. والله يحفظ لك ولدك ويهنيك فيه وفعلا كلامك صح يبيلها صبر وهو اذا عرف ان ماله الا الكاس بيضطر يشرب فيه واحسن شي انه لما يقوم الصبح يطلب الرضاعه تقومينه وتفطرينه وتخلينه يتسلى بالتلفزيون او الالعاب عشان ينساها ويتعود على روتين جديد وياااااااااااااارب كل وحده عندها طفل تبي تفطمه الله يسهل لها فطامه ويفرحها فيه ويجعله طول العمر سالم ومعافى يارب:26:





هلا فيك حبيبتي وبالنسبه لولدي مثل ماقلت لك كان يرجع يوميا بدون مبالغه والاكل ماياكل وقالت الدكتوره انه فاهمنا ويسمعني وانا اقول للناس ولاهلي قدامه انه ماياكل ودايما يرجع عشان كذا اول شي توكلي على الله وثاني شي ابدي اعطيه الفيتامين (ميناديكس) وابدي فطامه من اول مايقوم يعني من اول النهار لانه اذا صحى بالليل وفجاه قلتي له مافي بيبكي وبينجن لانه بيفقدها فجاه عشان كذا انصحك ابدي من النهار واعطيه الاكواب اذا طلب الرضاعه واذارفض يشرب الحليب بالكوب صبي له عصير داناو لانه حليب بالعصير واذا مااعجبه شكلي اي نوع عصير ولاتيئسين وحاولي تشجعينه اذا شرب الحليب واشتري له مكافاه مثلا حلويات او اي شي هو يبيه وانتي تمنعينه منه دايم .. واذا جا الليل وبكا وهذا الاكيد اعطيه الكوب اللي فيه مزاز وهذي على فكره خدعه عشان اذا رفضه قولي له خلاص ابجيب لك الكوب وروحي جيبي له كوب مثل الاكواب اللي حطيت صورتها وصبي له عصير لاهم ماكانو يطعمون الحليب لان الرضاعه تدخله على طول للحلق ومايمر على حاسة الذوق عنده واجد عشان كذا يكرهون طعمه بالكوب وبس وجربي يوم او يومين بعدين بيتعود على الكوب وماراح يطلب الرضاعه مره ثانيه وحاولي اليوم الثاني اذا بكى انك تضمينه عشان يحس بالامان ورجعيه لسريره بعد ماينام وحطي جنبه الكوب وفيه ماء بس لان الرضاعه عاده تعود عليها يعني بتلاحظين انه اذا صحى بيدور شي يحطه في فمه وبيحط الكوب وبينام وشوي شوي صدقيني ماراح يصحى بالليل ابد.. والله يعينك يارب:26: واسم الدكتوره عفراء وهي سوريه وموجوده في مستشفى الجبيل الوطني .. بالجبيل ونفسيتها رووووووووووعه وانسانه فاهمه شغلها صح والله على قد مادخلت لدكاتره ودكتورات عمري ماشفت مثلها لانها اول شي تسالك عن اشياء انت تكونين منت حاسه فيها مثل ولدي كلامه شوي يعني يادوب ماما وبابا وكم كلمه معاهم ولما قلت لها ليه سالتني انت كيف عايشه معاه وكيف تقضين يومك معاه قلت لها اني اهتم فيه دايم وانه ولدي الوحيد وانه 24 ساعه قدام عيني ماافارقه وقالت لي ولدك مايتكلم واجد لانه من كثر الدلع مايحس لن في داعي لكلامه لان اي شي يبيه يوصله قبل مايتكلم وفعلا لما رحت عند اهلي هالمره طنشته وخليته يلعب مع الاطفال بدون مااراقبه ووالله انه بدى يتكلم ويسولف بعد.. وعقبالك يارب انت وكل وحده تبي تفطم ولدها وطمنيني تكفين عليه:26: