هذي صور فطورنا المتواضع أناوزوجي الله يحفظه والله يتقبل منا ومنكم
ورق عنب يجنن وكبة البرغل باللحم وسنبوسة خضار
شوربة
مكرونة بلحم مفروم
بسبوسة صاحبة المعالي الله يجزاهاخير
انتهينا إن شاء الله فطورنا المتواضع يعجبكم وانتظر تقييمكم:26:
جزاكم الله خير على مروركم وردودكم وآسفة على التأخير بس انتو عارفين قوانين المنتدى 3 مشاركات في اليوم على هالأساس راح أكتب الطرق هنا
رابط البسبوسة
http://forum.hawaaworld.com/showthread.php?t=1940706
الكبة:
كوب برغل مغسول يوضع في قدر على النار مع الماء ويكون ارتفاع الماء1سم ومكعب ونص ماجي وبهارات اللي تحبين وفيه بهارات الكبة عندالرفاعي حلوة وتحركين حتى يشرب البرغل الماء كله وتخلينه على جنب يبرد على ماتجهزين الحشوة يكون برد بعدين تفرمينة المرة الأولى بلحاله بعدين تضيفين 2 م دقيق وتفرمينة مرة ثانية وتضيفين 2 م دقيق وتفرمينة مرة ثالثة وبعدها تعجنين بيدك حتى تحسين خلاص تقدرين تشكلينها وها الطريقة أسهل طريقة جربتها وادهني يدينك بزيت وكثري شوي وشكليها وحاولي تخلينها رقيقة موسميكة واحشيها وقليها بزيت غزير وحار ولاتقلبينها حتى تتحمر من تحت وكوب واحد يسوي لك تقريبا 20 حبة حجم متوسط وانا سويت كم حبة ميني كبة وطلع شكلها أحلى
الشوربة
بعد ماأنظف الدجاج أحمس شوي بصل على النار حتى يشقر بس وأضيف الدجاج وخلية 5 دقايق وبعدين حبة طماطم مقطعة مكعبات صغيرة وخلية حتى يذوب الطماطم وبعدين الموية المغلية والليمون الأسود والبهارت وشعيرية ماجي أوخضار الربيع من ماجي وهي أحلى وخليه يفور شوي وأضيف عليه الشوفان وأنا ماأكثر الشوفان أخليه يطول على النار الين تثقل الشوربة وإذاقربت اطفي النار أضيف الثوم المهروس واطفي النار وبعدها الكزبرة المفرومة وتعطيها نكهة خيالية
المكرونة
مكرونة مسلوقة بموية وزيت وماجي ومعجون طماطم ولما استوت اضفت الباقي من حشوت الكبة عليها وبس
السمبوسة
بطاطس وجزر مقطع مكعبات وفاصوليا مقطعة صغير أسلقها ربع ساعة على النار وبعدين أحمس بصل وثوم مهروس حتى يحمر شوي وأضيف الماجي وبعدين الخضار المسلوقة من غير الماء وأضيف البهارات وأهمها الكاري وراح تلاحظين الخضار انهرست معاك بعدين طفي النار وفي الأخير البصل الأخضر والكزبرة المفرومة
أتمنى يارب ماأكون قصرت معاكم دمتم في حفظ الباري
الله يعيده علينا وعليكم بالخير يارب