ازيكم عاملين آآآآآآآآآآآآيـــــه .؟؟. مصري..
شو عآآآآآآآآآملين .؟؟؟. مناااااااااااااح .؟؟. سوري ...
نجي عاد لسعودي شعب ابو متعب يازينا زيناه والله العظيم مامثلنا احد وديرتنا مامثلها احد و حكامنا مامثلهم احد وكل شي فينا يهبل
فطورنا لهذا اليوم من نوع خآآآآآآآآآآآص والسبب ان حنا بالعاده اللي يتفاطروووون خمس بيوت والسادس بيتنا يابيتنا فيك السعاده والهنا
المهم كل يوم نفطر ببيت وثاني يوم من رمضان جاني اخوي قال انا التس ولا الذيب والله اني شكيت وعرفت انه يبي يعزم ربعه وبغيت اقول لا والله انا اختك الا لذيب خابرتن ماش ذيابه ياربي لك الحمد مغير سارحتن في غنيماتنا واكلتن 27 راس الموهيم خفت انه يعوووووووووم بشعري لانه بالعاده سواء مبسوط منا ولا زعلان لازم يجرجر روسنا ويلعب فينا لعب
قلت امر وش بغيت قال الذيب في القليب قلت جعله مايقوم
قال ابي اعزم وانا اخوتس عيبا علي وانا اخوتس مايذوقون ربعي الفطور عندي قلت ابشر وانا اختك واطق الصدر ومن عقب طقت الصدر والفكس مايطلع ريحته مني
الموهيم قلت وانا اختك خلاص لا تحدد انت يوم خله اليوم اللي اشوفه انا موناسب اعلمك وانت تعلمهم قال ابشر وانا اخوتس
وهذا كل يوم يناظر فيني و ملامح وجهه كانه يقول هاه وانا اخوتس ماصارت حددي يوم وريحني
اخر شي قررت البارح اني افطرهم اليوم مير وادق على خيو قلت اعزم وانا اختك قال صدز قلت الله الله
يعيشتن قشراه جاني حب ودعاء ومدح من البارح لين اذن العشاء ومن عقبها والمدايح والقصايد فاقدتها ... الشكوى لله....
طبعا تعاونت انا وامي واختي
وسوينا كرات السميد و اصابع السمبوسة بالجبن وكنافه ولقيمات الكاسترد وكمبودي اخضر ومطبق وسبرنق روول بالربيان وسمبوسة
الفطور الثاني الشوربه ومكرونية البيتزا وحلى الاوريوا
العصاير عصير برتقال تانج وفيمتو والعصير البنفسجي ( اناناس وغجر ) وعصير كوكتيل بالجلي الاحمر ...
اولا اتفضلوا الصور
يتبع الرجاء عدم الرد ......
ثانيا طرق الاطباق :
كرات السميد او كبة السميد :
كوب سميد
نصف كوب طحين
نصف كوب زيت
ثلاث ارباع كوب حليب فاتر
نصف ملعقه صغيره بيكنج باودر
الحشو :
جبن كيري او مكسرات مجروشه
التحليه :
شيره خفيفه
الطريقه :
طبعا تعجنين مقادير العجينه بحيث تكون متماسكه ولاتكون قاسيه مره ولالينه مره
تقطعين العجينه لكور صغار وتبدين تكببينها مثل الكبه تمام باستخدام الماء المثلج أو الزيت
احشيها بالحشوه اللي تختارينها وسكريها وخليها تتماسك بالفريزر شوي قبل القلي
اقليها بزيت غزير بعدين حليها بالشيره >> كونوا كريمين بالشيره لأنها المصدر الوحيد للحلى بهالوصفه
صفيها بصحن التقديم وممكن تزينيها بفستق مطحون
ثانيا :
الكنافه :
تقطعي الكنافه صغار مره وتفركيها بزبده ثم تحطي النص في الصينيه وتحتفظي بالنص الثاني ثم تحطي على النص اللي بالصينيه 3 حبات قشطة قيمر وقطع صغيره من المارس ثم تحطي النص الثاني من الكنافه و دخلينها الفرن من تحت ثم من فوق لين تشقر ثم تحطي شيره وتزينها بفستق مجروش .
ثالثا :
اصابع السمبوسه :
معروفه لدى الجميع سمبوسه تلفيها اصابع وتكون محشيه بالجبن وتقلينها في زيت ثم تسقينها شيره .
رابعا :
لقيمات الكاسترد :طبعا هي اللي لونها اصفر اما اللي اغمق منها ذي كرات
1فنجان قهوه حليب بودرة
1فنجان زيت
1 فنجان كاسترد
1ملعقة كبيرة خميرة فورية
1ملعقة سكر
1ملعقة صغيرة ملح
2كاس دقيق
1 كاس ماء دافئ
إذا تحبين اللقيمات لينه من الداخل تحطين 1 بيضه وطبعا احنا دايم نحط البيض
~~~~~~~~~~~~~~~
الطريقة
نضع الدقيق اولا ثم باقي المقادير وتعجن مع بعض بالملعقة واذا احتاجة مويه زيديها لما تكون زي عجينة الكيك
ثم غطيها بكيس وخليها ساعه تتخمر,
خامسا :
الكمبودي بالفلفل الاخضر :
4 بيض - كاس دقيق - نصف كاس ماء - ذرة ملح - حبة وحده فلفل اخضر رومي اخضر..
نخلط الجميع بالخلاط ثم تشكل على المقلاه الكهربائيه او الة المصابيب ثم تحشى باي حشوة عندك سواء لحم او اجبان ثم تلف على شكل مخدات البف باستري
ثم في الفرن من اسفل ثم من اعلى لين تشقر ثم تزين بالليمون او خلطة الزبادي والليمون والطحينه السائله تشكل على شكل خطوط طبعا انا حطيت ليمون فقط ..
سادسا :
مطبق :
بيض كراث بصل اخضر طماطم بهارات ملح وعجينة مطبق
سابعا :
سبرنق رول بالربيان :
ربيان و ملفوف اخضر و جزر مبشور وبصل وثوم وبهارات وملح
ثامنا :
مكرونية البيتزا :
مكرونية طوال تسلق بماء وملح وزيت واذا نضجت نحط نص بالصينيه ثم نحط فوقه حشوة دجاج بخضار ثم نحط باقي المكرونيه ثم نحط خلطة طماطم البيتزا ثم نحط حلقات فلفل اخضر وزيتون شرائح وجبن مبشور وفي الفرن من اسفل ثم من اعلى ...
تاسعا :
حلى التشيز الاوريوا :
http://forum.hawaaworld.com/showthread.php?p=64112355#post64112355
عاشرا :
عصر البنفسجي :
كاسين مويه مغليه تصبينها على غجر طبعا الغجر 3 ملاعق وتخليها ساعه
وتجبين الخلاط وتحطين علبتين اناناس وسكر وماء ثم يخلط زين ثم تحطين موية الغجر بس ماتحطين الغجر نفسه انتبهوا . وبس
الحادي عشر :
كوكتيل الفواكه :
برتقال وتفاح وموز على حبتين
ثم بالخلط مع مويه ثم تحطين كاس حليب الصافي او حليب السعوديه معهم بالخلاط ثم تحطين عليهم جلي احمر او فيمتو
وبس
دعواتكم لي بالزوج الصالح انا واختي والتوفيق دنيا واخره