الجو هذة الايام حلووبارد وجو خروج من البيت وطلعات وتغييير للروتين
خرجنا للأستراحتنا من يوم الاربعاء00 وقمنا مع أذان الفجر ليوم الخميس وصلينا وذكرنا الله
وبعدها قامت الغاليه الله يحفظها ويبارك فيها قولو آميييين
وشبت لنا النار تبي تسوي لنا الفطور على الجمر >>> الله ما أحلى شبه النار مع البرد
وكان فطورنا خبز الجمر وقمت أنا يا خويتكم وقمت أصور لكم فطورنا من يد الغاليه أمي الله يحفظها ويحرم يديها على النار
شفتم إني ما نسيتكم
والحين ابي اشرح لكم با الصور
هذة العجينه وهي عبارة عن دقيق أسمر + ماء + ملح + خميرة
عجنتها أمي ربي يحفظها من الليل >>> شغل الناس الاولين
وهذة صورة العجينه بعد ما تخمرت من الليل
وهنا شبت النار الغاليه وحطت فوقها الصاج ورشتها بشويه مويه حتى ما تلزق فيها العجينه
هذة الصورة وفيها فرد العجينه على الصاج
بعد ثواني من فرد العجينه على الصاج قامت الغاليه بعمل ثقوب على الخبز عشان تدخله النار من الداخل
وهذة الصورة توضح
هذة الصورة وفيها تم قلب الخبز على الجمر حتى يتحمر من الوجه
هنا الخبز تم إستواة ولكني أشغلت الغاليه با التصوير حتى إحترق جهه من الخبز >> الله يسامحني :44:
هذة الصورة طوليه توضح الفطور بعد ما خلص وهو عبارة عن سمن بري وعسل وسكر وخبز الجمر
وهذة صورة ثانيه أوضح للخبز والسمن والعسل والسكر
والحمد لله خلصت مراسم فطورنا على خير وكان طعم الخبز لذيذ
تكفون إدعوا للغاليه با الصحه والعافيه وحسن الخاتمه