السلام عليكم ورحمة الله و بركاته
تقبل الله منا و منكم صالح الاعمال و كل عام و انتم بخير
يا بنات .. الحمدلله من فضل الله و تيسيره ان يسر لنا العمره في رمضان و قعدنا كم يوم في العشر الوسطى في مكة تمنيت اني اقعد شهر رمضان كاااااااامل
المشاركة هذي من باب المشاركة الرمزية
IMG_0105
صدق اللي يروح مكة ما يتمنى انه يطلع منها
هناك تحسين بفريضة الصوم صدق
الناس منقطعة للعبادة في دعاء و صلاة و قراءة قرءان و طواف
اخر شي نفكر فيه الاكل
تنافس عجيب بين الناس تبارك الله في العبادة
من بعد الظهر الحرم زحمة الكل يقعد لين صلاة التروايح
فطورنا يا بنات كان بسيط جدا
كنا نفطر تمر و ماي و قهوة مع الاذان
وبعد الصلاة اي شي خفيف
كنا ناخذ معانا كروسون جبن او سلايس جبن .. يالله يا بنات كاني ملكت الدنيا و ما فيها احس هناك الخبز و الجبن طعمه لذيييييييذ
يا بنات شعور لا يوصف
انا العبرة تخنقني دائما عند اذان المغرب
كيف الزحمة والضجيج و الاصوات قبل الفطور .. هدوووووووووء كامل عند الاذان .. يالله لحظات فيها خشوع
الكل يوزع تمر .. قهوة .. تشارك الكل باي شي بسيط تمتلكه من طعام .. تلف على اللي حواليك تكلمهم وتاكل معاهم .. كلنا هنا مسلمين ...
تخيل هذي الفريضه موحده في كل بلاد المسلمين .. الكل يصوم من صلاة الفجر و يفطر مع اذان المغرب و الكل يصلي و يدعي و يسال الله القبول ...
قبل اذان الفجر في الحرم تحصل التوسعة اللي برع الناس فيها ربشة .. الكل قاعد يتسحر و يفرش سفر الاكل و داخل الكل يشرب ماي سبحان الله
تعالوا بعد اذان الفجر و لا كان صار شي .. كل شي نظيف و لا حد ياكل .. يعني سبحااااااااااااااان الله ما اعظم هذي الفريضه
انا بصراحة مالحقت اصور لكم الاكل اللي ناكلها الا مره خذينا خفايف و شبسات و هذا هو الاكل تفضلوا
IMG_0109
IMG_0110
تاملوا يا بنات معاي هذي صورتين صورتها وقت الضحى على يمكن ثمان و نص او تسع ونص ما اذكر بصراحة
IMG_0114
IMG_0115
شوفوا سبحان الله كيف الرجل متروس عرق كانه ماي الله يكتب اجره .. و سبحان الله تحس الكل مستمع و يبغي ياخذ الاجر وماهمه اي شي
الله يا بنات لا يحرمها مسلم و لا مشتاق و يرزقنا المتابعة و يثبتنا بعد رمضان و يبلغنا رمضان و احنا في هداية و خير و صلاح و سعادة و جميع المسلمين
rajaaa1 @rajaaa1
عضوة نشيطة
يلزم عليك تسجيل الدخول أولًا لكتابة تعليق.
احلاصدفه**
•
بلعاافيه كل عام انتي بخير
الصفحة الأخيرة