كيف الحال ...
من زمااااااااااااااان ما نزلت مواضيع , بس أتابع من بعيد لبعيد الجديد في المنتدى
واليومين هذي وأنا عند أهلي قلت فرصة أنزل موضوع من المواضيع اللي عندي خاصة إني فاااااضيه على
الآآآآآآآآآآآخر عندهم ..
المهم مالكم بطولة الكلام ..
هذي سفرتي (( المتواضعة جدا )) فطور لسلفاتي ,, كان ودي تكون أكثر من كذا بس هذا اللي مداني أسويه
بس الأهم إنهم انبسطوا ودردشنا وقطعنا وقت لغاية قبل العصر بعد كذا كل وحده راحت لبيتها .
السفرة كامــــــــــله :
مافن إيطالي للعضوة مرمريس , سويته أكثر من مرة من جد روووووووعة وتشكر على الوصفة :
فطاير هندية للعضوة : @أم ريما@ تشكر على الوصفة :
372153
مثلثات التوست للعضوة : سابي سال , من جد روعة روعة وعلى قولها تصلح عشوة .. فطور ..أو مع الشاي ,
الله يسعدها , وانا ماقصرت حمرتها زيادة اشوي ( نسيتها ) وسويتها كم مرة لكن أنا أشوف جبن المازورلا أفضل
من جبن المربعات حق التوست لأنه مالح اشوي :
http://forum.hawaaworld.com/showthread.php?t=2935880
لحظـــــــــــــــــــــــه للموضوع بقية لا تقطعوووووووووووووون بليييييييز رااااجعة لكم :
وحطيت مع هالفطور الرايق ترمس شاي
وبعد الفطور ضيفتهم كابتشينو + تويكس :
وبعدها روقنا على الشـــــاي الأخضر والنعنـــــاع :
بالنسبة لطريقة المافن الإيطــــــــالي (( الموضوع مغلق لأنه منقول عشان كذا ماقدرت احط لكم الرابط وهذي طريقته)) :
2 بيضه + فانيلياونقطة خل
1 كوب دقيق أبيض
نص فنجان قهوة حليب بودرة
ذرة ملح
2 ملعقة صغيرة باكنج باودر
نص فنجان شاي زيت
ثلاث أرباع كوب مويه عادية
اشوية كزبرة اوبقدونس أو نعناع تقطيع صغير جدا جدا ( الموجود عندك)
اشوية جبن أبيض مالح + تشدر + مازورلا مبشورة كلها تقريبا نص كوب من كل نوع
الطريقة :
اول شي جيبي ورق البلسيه حق الكب كيك ورتبيه في صينية الكب كيك 12 ورقة
وبعدها في زبدية بخفاق الكيك : البيض والفانيليا والخل والزيت ثم ضيفي الدقيق والحليب والملح والباكنج باودر والمويه واخفقي على اتحاه واحد ,بعدها ضيفي الكزبرة وأنواع الجبن وهنا حركيها بالملعقة مو بالخفاق , وخلاص اسكبيها في ورق البلسيه اللي جهزتيه وعلى الفرن من تحت لغاية النضج ((ماله وقت محدد)) وبعدها من فوق.
وسلامتكم .. في أمــــان المولى
اللهم صلي وسلم على نبينا محمد ..
ملحوظة : الصور طالعه عندي صغيرونه ما أدري ليش !! اضغطوا عليها تتكبر معاكم ,,
واللي تعرف تكبرها لاهانت تتكرم مشكوره سلفـــا