اول شي صورة عامه وبعدها نبدء بالتفصيل وأي سؤال من عيوني
شوربه العدس وفطاير الشوايه وسلطه لفائف الخيار وكبه البطاطس والدجاج وصينيه شاورما الدجاج ومهلبيه بمويه الورد وقطايف من عند جارتي
فطائر الشوايه اي عجينه عندك مظبوطه وتكون قاسيه تكوريها وتخبزيها في الشوايه وتحشيها الحشوه اللي تحبيها
صينيه الشاورما الطبقه الاولى بطاطس مقلي ومملح الطبقه الثانيه دجاج مسلوق ومنتف تحمريه مع شوي زيت وبصل وملح وبهار وتحطيه على البطاطس وتضيفي قطع مخلل يعطي طعم روعه والطبقه الاخيره
نص حبه بطاطس مسلوق وفص صغير ثوم وشوي كزبرة وملعقه مايونيز ونص علبه زبادي وكمون بالخلاط وصبيه على الدجاج وزيني الصينيه بالبطاطس المقلي والكزبرة والبصل مضاف له سماق أنصحكم فيها روووووعه
كور البطاطس بطاطس مسلوق ودجاج مسلوق يخلط بالخلاط ناعم مع ملح وبهار ويقلب في البيض والبقسماط
وتقلى
سلطه حلوة وبارده لفائف خيار تحشيها جزر مبشور ناعم وملفوف ناعم مضاف له شوي مايونيز
مهلبيه مويه الورد حليب بودرة ونشا وسكر ومويه على النار مع التحريك ولما تصير ثقيله أضيفي غطا مويه ورد
وفي الاخير فنجان قهوه تركي يعدل المزاج
سفره دايمه يارب